சந்தோ‌‌ஷ் நாராயணனின் மிகப்பெரிய பரிசு

பிரபாஸ் நடிக்க இருக்கும் ‘கல்கி 2898 ஏடி’ என்ற படத்திற்கு இசையமைக்கும் சந்தோ‌‌ஷ் நாராயணன் பிரபாஸிற்கு எதிர்பாராத பரிசு ஒன்றை வழங்க இருப்பதாக கூறியுள்ளார்.

‘கேஜிஎப்’ இயக்குநர் பிரசாந்த் நீல் இயக்கத்தில் வெளியான ‘சலார்’ திரைப்படத்தின் வெற்றி நடிகர் பிரபாஸிற்கு புது உற்சாகத்தை அளித்துள்ளது. அடுத்ததாக நாக் அஸ்வின் இயக்கத்தில் அவர் கமல்ஹாசனுடன் இணைந்து ‘கல்கி 2898 ஏடி’ என்ற படத்தில் நடித்து வருகிறார்.

இந்தப் படத்திற்கு இசையமைக்கும் வாய்ப்பை முதன்முறையாக பெற்றுள்ளார் தமிழ் இசையமைப்பாளர் சந்தோஷ் நாராயணன்.

சந்தோஷ் நாராயணனைப் பொறுத்தவரை பாடல்களுக்கு மட்டுமல்ல பின்னணி இசைக்கும் பெயர் பெற்றவர். அந்த வகையில் பிரபாஸிற்கு இந்தப் படத்தில் எதிர்பாராத பரிசு ஒன்றை வழங்க இருப்பதாக அண்மைய பேட்டி ஒன்றில் கூறியுள்ளார் சந்தோஷ் நாராயணன்.

அதில் அவர் கூறும்போது, “இந்தப் படத்தில் பிரபாஸிற்கு ஒரு மறக்க முடியாத, தாக்கத்தை ஏற்படுத்தக்கூடிய அறிமுக இசையை கொடுக்க இருக்கிறேன்” என்று கூறியுள்ளார்.