மாணவர் முரசு
இ-பேப்பர்
அகமதாபாத்: ஏறக்குறைய 470 ஏக்கர் பரப்பளவிலான, உலகின் ஆகப்பெரிய மியாவாக்கி காடு குஜராத்தில் உருவாக்கப்பட்டுள்ளது.
இந்தக் காட்டில் மூன்று லட்சம் மரங்கள் உள்ளன.
மியாவாக்கி மரம் வளா்ப்பு முறை என்பது ஜப்பானைச் சோ்ந்த யோகோஹாமா பல்கலைக்கழக தாவரவியலாளா் அகிரா மியாவாக்கி கண்டுபிடித்த முறையாகும்.
இதைப் பயன்படுத்தி உருவாக்கப்படும் காடுகளுக்கு மியாவாக்கி என்றே பெயரிடப்படுகிறது.
குறுகிய காலத்தில் அதிக எண்ணிக்கையிலான மரங்களை உருவாக்கும் முறையைக் கண்டுபிடித்துள்ளார் மியாவாக்கி.
தமிழ்நாட்டில், மியாவாக்கி முறை மூலம் பல காடுகள் உருவாக்கப்பட்டுள்ளன. சென்னை மாநகராட்சி பகுதிகளில் கடந்த 2 ஆண்டுகளில் 38 மியாவாக்கி காடுகள் உருவாக்கப்பட்டு 122,706 மரங்கள் நடப்பட்டுள்ளன.
மியாவாக்கி காடுகள் சுற்றுச்சூழலைப் பேண உதவுகின்றன.
இந்நிலையில், குஜராத் மாநிலம் கட்ச் பகுதியில் டாக்டர் ஆர்.கே நாயர் என்பவர் 470 ஏக்கர் பரப்பளவில் மியாவாக்கி வனப்பகுதியை உருவாக்கியுள்ளார்.
தொடர்புடைய செய்திகள்
இதைக் கண்டு வியப்படைந்த பிரபல தொழிலதிபர் ஆனந்த் மஹிந்திரா அவரைப் பாராட்டியுள்ளார்.
தனது அறக்கட்டளை மூலம் நூற்றுக்கும் மேற்பட்ட மியாவாக்கி காடுகளை உருவாக்கி உள்ள டாக்டர் நாயர், 2030க்குள் இந்தியாவில் 100 கோடி இயற்கை மரங்களை வளர்க்க இலக்கு நிர்ணயித்துள்ளார்.
“டாக்டர் நாயரின் சாதனை, சுற்றுச்சூழல் மீட்பு, நிலையான நகர்ப்புற மேம்பாட்டில் ஒரு முன்னணி நாடாக இந்தியா உயர்வதை எடுத்துக்காட்டுகிறது. வெளிப்புறச் சான்றுகள் தேவையில்லாமல், இந்தியா சுற்றுச்சூழல் புதுமைகளில் உலகின் முன்னணி நாடாக உள்ளது என்பதை இந்தச் சாதனை எடுத்துக்காட்டுகிறது,” என்று ஆனந்த் மஹிந்திரா தெரிவித்துள்ளார்.