ஆந்திராவை அச்சுறுத்தும் ‘அர்னாப்’ புயல்: தயார் நிலையில் மாநில அரசு

படம்: தினமலர்

27 Oct 2026 - 8:10 pm

2 mins read

அமராவதி: வங்கக் கடலில் உருவான ‘அர்னாப்’ புயல், மிகத் தீவிர சூறாவளிப் புயலாக வலுப்பெற்றுள்ளதை அடுத்து, ஆந்திரப் பிரதேச மாநிலத்தில் பாதுகாப்பு, பேரிடர் நிவாரணப் பணிகள் போர்க்கால அடிப்படையில் முடுக்கிவிடப்பட்டுள்ளன.

நிலைமையை எதிர்கொள்ள மாநில அரசு ரூ.27 கோடி நிதியை அவசரகால நிவாரணத்துக்காக விடுவித்துள்ளது.

இந்திய வானிலை ஆய்வு மையம் வெளியிட்டுள்ள எச்சரிக்கையின்படி, இந்தப் புயல் பாபட்லா, விசாகப்பட்டினத்திற்கு இடையே, யானம் பகுதிக்கு அருகில் கரையைக் கடக்கும் என எதிர்பார்க்கப்படுகிறது. அப்போது காற்றின் வேகம் மணிக்கு 115 முதல் 125 கிலோ மீட்டர் வரை வீசக்கூடும் எனக் கணிக்கப்பட்டுள்ளது.

இதன் காரணமாகக் கடலோர ஆந்திரா, யானம் பகுதிகளில் அக்டோபர் 27, 28 ஆகிய தேதிகளில் மிகக் கடுமையான மழை பெய்ய வாய்ப்பு உள்ளதாக வானிலை ஆய்வு மையம் முன்பே எச்சரித்திருந்தது.

புயல் பாதிப்பு ஏற்படக்கூடிய 20 மாவட்டங்களுக்கு நிவாரண நிதியை ஆந்திர மாநில அரசு உடனடியாகப் பகிர்ந்தளித்துள்ளது.

மீட்புப் பணிகளுக்காகத் தேசியப் பேரிடர் மீட்புப் படையின் 15 குழுக்கள் தயார் நிலையில் களமிறக்கப்பட்டுள்ளன.

மேலும், மரங்களை அகற்றும் 115 குழுக்கள், 13 படகு மீட்புக் குழுக்கள், 853 உயிர்காக்கும் மிதவைகள் தயார் நிலையில் வைக்கப்பட்டுள்ளன.

மக்களைப் பாதுகாப்பான மறுவாழ்வு மையங்களுக்கு இடமாற்றம் செய்யவும், குடிநீர், உணவு, பால் விநியோகம், அவசர மருத்துவ முகாம்களைச் சீராக நடத்தவும் நடவடிக்கை எடுக்கப்பட்டுள்ளது. தாழ்வான பகுதிகளில் வாழும் மக்களை உடனடியாகப் பாதுகாப்பான இடங்களுக்குச் செல்லுமாறு அரசு அறிவுறுத்தியுள்ளது.

இவையும் உங்களுக்குப் பிடிக்கலாம்

அனைத்துவகைச் செய்திகளும் ஒரே இடத்தில்.

மாணவர்களின் சில கேள்விகளுக்கு ஆட்சியர் நகைச்சுவையாகப் பதில் அளித்துள்ளார்.

கனமழை: ஆட்சியரிடம் விடுமுறை கேட்டு கைப்பேசிக்குக் குறுந்தகவல் அனுப்பிய பள்ளி மாணவர்கள்

27 Oct 2026 - 5:46 PM

முடிவெடுக்கும் நடைமுறையில் பரிமாறிக் கொள்ளப்படும் முதற்கட்ட கருத்துகள் 2023ஆம் ஆண்டு சட்டப்படி இறுதி முடிவாகக் கருதப்படாது என்றும் தேர்தல் ஆணையம் தெளிவுபடுத்தி உள்ளது.

‘எஸ்ஐஆர்’ தொடர்பான அனைத்து முடிவுகளும் ஒருமனதாக பெறப்பட்டவை: தேர்தல் ஆணையம் விளக்கம்

27 Oct 2026 - 5:42 PM

சிங்கப்பூரின் எல்லை தாண்டிய புகைமூட்டத் தூய்மைக்கேட்டுச் சட்டத்தை நடைமுறைப்படுத்துவதில் இரண்டு சவால்கள் இருப்பதாக நீடித்த நிலைத்தன்மை, சுற்றுப்புற அமைச்சர் கிரே‌‌ஸ் ஃபூ கூறினார்.

புகைமூட்டச் சட்டத்தை வலுப்படுத்தச் சிங்கப்பூர் திட்டம்

27 Oct 2026 - 4:59 PM

சன்டெக் மாநாட்டு நிலையத்தில் நடைபெறும் ஆசிய-பசிபிக் வேளாண் உணவுப் புத்தாக்க உச்சநிலை மாநாட்டில் செவ்வாய்க்கிழமை (அக்டோபர் 27) நீடித்த நிலைத்தன்மை, சுற்றுப்புற அமைச்சர் கிரே‌ஸ் ஃபூ முதன்மையுரை ஆற்றினார்.

உணவு ஆய்வில் $138 மில்லியன் முதலீடு செய்யச் சிங்கப்பூர் உறுதி

27 Oct 2026 - 1:18 PM

ரயில், விமானச் சேவைகள் ரத்து

ஆந்திரப் பிரதேசத்தை மற்ற மாநிலங்களுடன் இணைக்கும் ரயில், விமானச் சேவைகள் ரத்தாகின.

பள்ளிகளுக்கு விடுமுறை அளிக்கப்பட்ட நிலையில், விசாகப்பட்டினத்தின் பெரும்பாலான பகுதிகளில் மின்சாரம் துண்டிக்கப்பட்டுள்ளது.

இதனிடையே, ‘அர்னாப்’ புயல் தீவிரமடைந்ததை அடுத்து, ஒடிசாவிலும் பலத்த மழை பெய்தது.

ஜார்க்கண்ட், உத்தரப் பிரதேச மாநிலங்களிலும் ‘அர்னாப்’ புயலின் தாக்கத்தைப் பார்க்க முடிந்ததாக இந்திய ஊடகத் தகவல்கள் தெரிவித்தன.

இச்செய்தியைப் பகிரவும்

குறிப்புச் சொற்கள்

ஆந்திராபுயல்வானிலைசூறாவளி