கார்களில் தானியங்கி பிரேக்: 2030 முதல் கட்டாயம்

படம்: இந்து தமிழ் திசை

23 Oct 2026 - 7:44 pm

2 mins read

புதுடெல்லி: இந்தியாவில் சாலை விபத்துகளைத் தடுக்கும் நோக்கில், அனைத்துக் கார்களிலும் தானியங்கி பிரேக் அமைப்பு 2030ஆம் ஆண்டு முதல் கட்டாயமாக்கப்பட உள்ளது.

நாடு முழுவதும் அதிக அளவில் ஏற்பட்டு வரும் சாலை விபத்துகளைக் குறைப்பதற்காகப் பல்வேறு நடவடிக்கைகளை மத்திய அரசு தொடர்ந்து தீவிரமாக எடுத்து வருகிறது.

அதன் ஒரு பகுதியாகக் கார்களில் மேம்பட்ட ஓட்டுநர் உதவி அமைப்புகளின் (ஏடிஏஎஸ்) சில பாதுகாப்பு அம்சங்களைக் கட்டாயமாக்க அரசு முடிவு செய்துள்ளது.

அதன்படி, 2030 அக்டோபர் முதல் அனைத்து புதிய கார் மாடல்களிலும் மேம்பட்ட அவசரகால ‘பிரேக்கிங் சிஸ்டம்’ (ஏஇபிஎஸ்) பொருத்துவது கட்டாயமாக்கப்படும்.

2030க்கு முந்தைய, தற்போது உற்பத்தியில் உள்ள பழைய கார் மாடல்களுக்கு 2032 அக்டோபர் முதல் ஏஇபிஎஸ் கட்டாயமாக்கப்படும் எனத் தகவல்கள் வெளியாகியுள்ளன.

ஏடிஏஎஸ் பாதுகாப்பு அம்சங்களின் காலக்கெடு அடங்கிய வரைவு அறிவிப்பு விரைவில் அதிகாரபூர்வமாக வெளியாகும் எனக் கூறப்பட்டுள்ளது.

ஏடிஏஎஸ் என்பது 100க்கும் மேற்பட்ட மின்னணு தொழில்நுட்பங்களின் ஒரு தொகுப்பாகும். இது ஏற்படக்கூடிய அபாயங்களைக் கண்டறிந்து, ஓட்டுநரை எச்சரித்து, சில சமயங்களில் மோதலைத் தடுப்பதற்காக பிரேக்குகள் அல்லது ஸ்டீயரிங்கைத் தானாகவே கட்டுப்படுத்துவதன் மூலம் பாதுகாப்பை அதிகரிக்கிறது. தற்போது, சில கார்களில் ஏடிஏஎஸ் வசதி உள்ளது.

பாதுகாப்பு அம்சங்களில் லாரி, பேருந்துகள் போன்ற வர்த்தக வாகனங்களுக்கு அதிக முக்கியத்துவம் அளிக்கப்படும் எனவும் கூறப்பட்டுள்ளது.

இவையும் உங்களுக்குப் பிடிக்கலாம்

அனைத்துவகைச் செய்திகளும் ஒரே இடத்தில்.

கம்போங் அட்மிரல்டி பகுதியில் கார்டியன் மருந்துக் கடையில் விற்பனையாகும் N95 முகக் கவசம்.

டிபிஎஸ் வழங்கும் $1மி. புகைமூட்ட நிவாரண நிதி: 500,000 N95 முகக் கவசங்கள் இலவசம்

23 Oct 2026 - 5:34 PM

வங்கக் கடலில் வெள்ளிக்கிழமை (அக்டோபர் 23) உருவான புதிய காற்றழுத்தத் தாழ்வுப் பகுதி. இது அக்டோபர் 26ஆம் தேதி புயலாக வலுப்பெறும் எனக் கணிக்கப்பட்டுள்ளது.

அக்டோபர் 26 அர்னாப் புயல் வலுப்பெற வாய்ப்பு

23 Oct 2026 - 7:45 PM

அப்பர் புக்கிட் தீமா கால்வாயின் கடைசி 900 மீட்டர் பகுதி விரிவுபடுத்தப்பட்டுள்ளது. இந்தப் பகுதியை மேம்படுத்தும் பணிகள் 2019ஆம் ஆண்டு தொடங்கின.

புக்கிட் தீமா பகுதியில், வடிகால் கால்வாய் பணிகள் ஏழு ஆண்டுகளுக்குப் பிறகு நிறைவு

23 Oct 2026 - 7:42 PM

கோவை மத்திய சிறையிலிருந்து விடுதலையான நாம் தமிழர் கட்சியின் கார்த்திகா.

கோவை சிறையிலிருந்து நாதக கார்த்திகா விடுவிப்பு

23 Oct 2026 - 7:33 PM

அதன்படி, மறைவுப் பகுதி தகவல், ஓட்டுநரின் தூக்கக் கலக்கத்தைக் கண்டறிந்து எச்சரிக்கும் அமைப்பு, பாதை விலகல் எச்சரிக்கை போன்ற அமைப்புகளும் கட்டாயமாக்கப்பட்டு உள்ளன.

ஏஇபிஎஸ் அமைப்பு, ஒரு வாகனம் அல்லது தடையுடன் ஏற்படவிருக்கும் மோதலைக் கண்டறிந்து, ஓட்டுநர் செயல்படத் தவறினால் தானாகவே பிரேக்குகளைப் பயன்படுத்தும்.

வரும் 2027 ஜனவரி முதல் புதிய லாரி, பேருந்து மாடல்களில் ஏஇபிஎஸ் அமைப்பு கட்டாயமாக இடம்பெறும் எனக் கூறப்பட்டு உள்ளது.

இச்செய்தியைப் பகிரவும்

குறிப்புச் சொற்கள்

தானியங்கி கார்அனுமதிவிபத்துசாலை