தீபாவளி கொண்டாடியபோது மகன் கண்முன்னே சுட்டுக்கொல்லப்பட்ட ஆடவர்

புதுடெல்லி: தங்கள் வீட்டிற்கு வெளியே தீபாவளி கொண்டாடிக் கொண்டிருந்தபோது ஆடவர் ஒருவரும் அவருடைய உறவினரும் சுட்டுக்கொல்லப்பட்டனர்.

இச்சம்பவம் இந்தியாவின் டெல்லியில் வியாழக்கிழமை (அக்டோபர் 31) நிகழ்ந்தது.

கூலிப்படையை ஏவிவிட்டு, அவர்களைக் கொன்ற 16 வயது இளையர் கைதுசெய்யப்பட்டு விட்டதாகக் காவல்துறை தெரிவித்தது. பண விவகாரமே இதற்குக் காரணம் எனச் சொல்லப்படுகிறது.

இரவு 8 மணியளவில் நிகழ்ந்த இச்சம்பவம் அப்பகுதியிலுள்ள கண்காணிப்புப் படக்கருவியில் பதிவாகியுள்ளது.

டெல்லியின் ஷாதாரா பகுதியைச் சேர்ந்த ஆகாஷ் சர்மா, 44, தம் உறவினர் ரிஷப் சர்மா, 16, மகன் கிரிஷ் சர்மா, 10, இருவருடன் வீட்டிற்கு வெளியே மத்தாப்புக் கொளுத்தி, தீபாவளி கொண்டாடினர்.

அப்போது, இருசக்கர வாகனத்தில் இருவர் அங்கு வந்தனர். ஒருவர் மட்டும் அதிலிருந்து இறங்கி திரு ஆகாஷை நோக்கி ஐந்து முறை சுட்டார்.

பின்னர், வெளியில் இன்னொருவர் தயாராக மோட்டார்சைக்கிளில் காத்திருக்க, அதன்மூலம் அவர்கள் இருவரும் தப்பிச் சென்றனர். அவர்களை விரட்டிச் சென்ற கிரிஷைக் காயப்படுத்திய அவர்கள், ரிஷப்பையும் சுட்டுக்கொன்றனர்.

இந்நிலையில், தம்மிடம் வாங்கிய பணத்தைத் திரு ஆகாஷ் திருப்பித் தராததால் அந்த 16 வயது இளையர் கூலிப்படையினரைக் கொண்டு, அவரைக் கொன்றதாகக் காவல்துறை தெரிவித்தது.

இவையும் உங்களுக்குப் பிடிக்கலாம்

அனைத்துவகைச் செய்திகளும் ஒரே இடத்தில்.

ரோஹிங்யா உட்பட மியன்மார் நாட்டவரை திருப்பி அனுப்பத் தொடங்கியது மலேசியா

29 Sep 2026 - 1:06 PM

மறுவாழ்வுப் பயிற்சியில் 92.9% நிறைவு; எனினும் இளம் குற்றவாளிகள் எண்ணிக்கை உயர்வு

29 Sep 2026 - 6:02 PM

தீபாவளியை முன்னிட்டு லிட்டில் இந்தியாவில் அக்டோபரில் புதிய நிகழ்ச்சிகள்

29 Sep 2026 - 8:05 PM

எவரும் விடுபடாத ஒன்றிணைந்த எதிர்காலம்

30 Sep 2026 - 5:25 AM

“17 நாள்களுக்கு முன்பே திரு ஆகாஷைக் கொல்ல அந்த இளையர் திட்டமிட்டுவிட்டார். கைதுசெய்யப்பட்டுள்ள இளையர், ஆகாஷ், அவருடைய குடும்பத்தினர் ஆகியோர்மீது ஏற்கெனவே வழக்குகள் உள்ளன,” என்று காவல்துறை விளக்கியது.