தலைமைத் தேர்தல் ஆணையரை பதவி நீக்கம் செய்ய தீர்மானம் நிறைவேற்றம்

புதுடெல்லி: இண்​டியா கூட்​டணி சார்​பில் புதுடெல்​லி​யில் மாதிரி நாடாளு​மன்ற கூட்​டம் சனிக்கிழமை நடத்​தப்​பட்​டது. அப்​போது, தலை​மைத் தேர்​தல் ஆணை​யர் ஞானேஷ் குமாரை நீக்கக் கோரி தீர்மானம் நிறைவேற்றப்பட்டது.

காங்கிரஸ் தலைவர் மல்லிகார்ஜுன கார்கேவின் இல்லத்தில் நடைபெற்ற அந்த நிகழ்வில், முன்னாள் மக்களவை நாயகர் மீரா குமார் தலைமை தாங்கினார்.

மக்களவை எதிர்க்கட்சித் தலைவர் ராகுல் காந்தி, காங்கிரஸ் தலைவர் மல்லிகார்ஜுன கார்கே, ‘இண்டியா’ கூட்டணியின் கூட்டணிக் கட்சித் தலைவர்கள், நிர்வாகிகள் உள்ளிட்டோர் அதில் கலந்துகொண்டனர்.

அப்போது, தலைமைத் தேர்தல் ஆணையர்மீது ஆறு முக்கியக் குற்றச்சாட்டுகளை மல்லிகார்ஜுன கார்கே முன்வைத்தார்.

வாக்குத் திருட்டுக்கு வழிவகுத்தது, நாடாளுமன்ற ஒப்புதலின்றி ‘படிவம்-6’ல் மாற்றங்களைச் செய்தது, வாக்காளர் பட்டியலிலிருந்து ஏறக்குறைய 132 மில்லியன் வாக்காளர்களின் பெயர்களை நீக்கியது உள்ளிட்ட குற்றச்சாட்டுகள் அவற்றுள் அடங்கும்.

நிகழ்வில் உரையாற்றிய ராகுல் காந்தி, வாக்காளர் பட்டியலிலிருந்து லட்சக்கணக்கான பெயர்கள் நீக்கப்பட்டதன்மூலம் கடந்த 2024ஆம் நடந்த நாடாளுமன்றத் தேர்தலின் நம்பகத்தன்மை கேள்விக்குறியாகி உள்ளதாகத் தேர்தல் ஆணையத்தைச் சாடினார்.

நாடாளுமன்றத்திலும் பிற அமைப்புகளிலும் எதிர்க்கட்சிகளின் குரல் நசுக்கப்படுவதால்தான் இதுபோன்ற மக்கள் மன்ற விசாரணையை நடத்த வேண்டிய சூழல் ஏற்பட்டதாகக் கூட்டணித் தலைவர்கள் தெரிவித்தனர்.

தலைமைத் தேர்தல் ஆணையர் ஞானேஷ் குமாரை விடப்போவதில்லை என்றும் அவர்மீது கடுமையான சட்ட நடவடிக்கை எடுக்கப்பட வேண்டும் என்றும் மக்களவை எதிர்க்கட்சித் தலைவர் ராகுல் காந்தி தெரிவித்துள்ளார்.

இவையும் உங்களுக்குப் பிடிக்கலாம்

அனைத்துவகைச் செய்திகளும் ஒரே இடத்தில்.

ஆட்குறைப்பைத் தவிர்க்க மலேசிய ஊடகங்களுக்குப் புத்தாக்க நிதி

01 Nov 2026 - 1:23 PM

இனி ஒரே எண்ணிலிருந்துதான் காவல்துறை அழைக்கும்

01 Nov 2026 - 12:32 PM

வங்கக்கடலில் உருவாகிறது ‘முரசு’ புயல்; ஆந்திராவில் பெருமழைக்கு வாய்ப்பு

01 Nov 2026 - 11:40 AM

ஏஐ கருவிகளைத் திறம்படப் பயன்படுத்தக் கற்றுக்கொண்ட தமிழாசிரியர்கள்

01 Nov 2026 - 7:46 AM

நாட்டின் அரசியலமைப்பையும் மக்களின் ஜனநாயக உரிமைகளையும் காக்க ‘இண்டியா’ கூட்டணி இறுதிவரை போராடும் என அவர் உறுதியளித்தார்.

எஸ்ஐஆர் பணியின்போது சுமார் 13 கோடி வாக்காளர்களின் பெயர்கள் நீக்கப்பட்டன. இதன்படி இந்திய வாக்காளர்களில் 15% பேரின் பெயர்கள் நீக்கப்பட்டிருக்கிறது.

அண்மையில், நடந்த பேரவைத் தேர்தல்களில் வாக்கு திருட்டில் ஈடுபட்ட தலைமைத் தேர்தல் ஆணையர் ஞானேஷ் குமார் பதவி நீக்கம் செய்யப்பட வேண்டும்.

பிரதமர் நரேந்திர மோடியும், அமைச்சர் அமித்ஷாவும் தன்னைக் காப்பாற்றி விடுவார்கள் என்று ஞானேஷ் குமார் நம்புகிறார். ஆனால் மக்களிடம் இருந்து நீங்கள் தப்பிக்க முடியாது என்று திரு ராகுல் காந்தி பேசினார்.

மொத்தம் 3.23 மணி நேரம் மாதிரி நாடாளுமன்றம் நடைபெற்றது. இதில் 19 எதிர்க்கட்சிகளை சேர்ந்த 215 எம்பிக்கள் பங்கேற்றனர். மாதிரி நாடாளு​மன்ற கூட்​டத்​தின் இறுதி​யில் தலை​மைத் தேர்​தல் ஆணை​யர் ஞானேஷ் குமாரைப் பதவி நீக்​கம் செய்​யக் கோரும் தீர்​மானம் நிறைவேற்​றப்​பட்​டது.

இதனிடையே, எதிர்க்கட்சிகளின் இந்த நடவடிக்கைக்குப் ஆளுங்கட்சியான பாஜக கடுமையான கண்டனம் தெரிவித்துள்ளது.