குறிப்பேடுகளுக்கு இடையே வைத்து 400,000 அமெரிக்க டாலரை வெளிநாட்டிற்குக் கடத்த முயற்சி

படம்: இந்திய ஊடகம்

26 Feb 2025 - 7:01 pm

2 mins read

புனே: மாணவிகள் மூவர் தங்களது குறிப்பேடுகளுக்கு (notebook) இடையே 400,000 அமெரிக்க டாலரை (S$534,000, ரூ.3.47 கோடி) மறைத்து வைத்து எடுத்துச் செல்ல முயன்ற சம்பவம் பரபரப்பை ஏற்படுத்தியுள்ளது.

துபாய்க்குச் செல்ல முயன்ற அந்த மூன்று மாணவிகளையும் புனே விமான நிலை சுங்கத்துறை அதிகாரிகள் இடைமறித்து, சோதனை செய்தபோது இந்தக் கடத்தல் முயற்சி வெளிச்சத்திற்கு வந்தது.

இதன் தொடர்பில் புனேயைச் சேர்ந்த பயண முகவர் ஒருவரும் மும்பையைச் சேர்ந்த அந்நியச் செலாவணி வணிகர் ஒருவரும் கைதுசெய்யப்பட்டுள்ளார்.

அந்தப் பயண முகவர்தான் அம்மூன்று மாணவர்களுக்கும் துபாய் செல்ல பயணச்சீட்டு முன்பதிவு செய்ததாகக் கூறப்படுகிறது.

இச்சம்பவத்தின் பின்னணியில் ஹவாலா கும்பலுக்குத் தொடர்பு இருக்கலாம் என்ற சந்தேகத்தின்பேரில் சுங்கத்துறை விசாரணை மேற்கொண்டுள்ளது.

குறிப்பேடுகளின் பக்கங்களுக்கு இடையே வெளிநாட்டுப் பணத்தை மறைத்து எடுத்துச் செல்வதாகப் புனே சுங்கத்துறைக்கு ரகசியத் தகவல் கிடைத்தது.

அதனையடுத்து, துபாயில் தரையிறங்கும் அந்தக் குறிப்பிட்ட மூன்று மாணவிகளையும் திருப்பி அனுப்பும்படி இந்திய அதிகாரிகள் கேட்டுக்கொண்டனர்.

அதனைத் தொடர்ந்து, இம்மாதம் 17ஆம் தேதி துபாயிலிருந்து புனேக்கு அம்மூவரும் அனுப்பி வைக்கப்பட்டனர். விமான நிலையப் புலனாய்வுத் துறை அதிகாரிகள் அவர்களை முழுமையாகச் சோதித்தபோது, நூறு டாலர் தாள்களாக மொத்தம் 400,100 அமெரிக்க டாலர் அவர்களின் குறிப்பேடுகளுக்கு இடையில் மறைத்து வைக்கப்பட்டிருந்தது கண்டுபிடிக்கப்பட்டது.

இவையும் உங்களுக்குப் பிடிக்கலாம்

அனைத்துவகைச் செய்திகளும் ஒரே இடத்தில்.

பொது அமைதிச் சட்டத்தின்கீழ் எஸ். சுரேந்தர் குமார்மீது மூன்று குற்றச்சாட்டுகள் சுமத்தப்பட்டுள்ளன.

அனுமதியின்றிப் பொதுக்கூட்டங்களில் பங்கேற்றவர்மீது குற்றச்சாட்டு

25 Sep 2026 - 4:17 PM

4,356 சதுர அடி பரப்பளவைக் கொண்ட மொட்டை மாடியில், 46 கிலோவாட் சூரிய ஒளித் தொகுதியைக் கொண்டு மேற்கொள்ளப்பட்ட ஐந்து ஆண்டு மாதிரி ஆய்வில், மின்சாரம், குங்குமப்பூ, அதன் கிழங்கு விற்பனை மூலம் S$77,932க்கும் மேல் (US$61,000) நிகர வருமானம் ஈட்ட முடியும் எனக் கணிக்கப்பட்டுள்ளது.

சூரிய மின்பலகைகளில் குங்குமப்பூ விளைச்சல்: $77,000க்கும் மேல் வருவாய்

25 Sep 2026 - 6:43 PM

இந்தோ-பசிபிக் வட்டாரத்தில் சீனாவின் ஆதிக்கம் அதிகரித்து வரும் சூழலில், ‘வீர் கார்டியன்’ ஆகாயப்படைப் பயிற்சி இணைந்து செயல்படும் திறனை மையமாகக் கொண்டிருந்தது.

இந்தியாவில் முதன்முறையாகப் பறந்த ஜப்பானியப் போர் விமானங்கள்

25 Sep 2026 - 8:22 PM

‘டாக்ஸ் சிங்கப்பூர்’ என்ற ஃபேஸ்புக் பக்கத்தில் வியட்னாமிய மொழியில் நாய் இறைச்சியின் பல்வேறு பாகங்கள் விற்பனைக்கு இருப்பதாக இடம்பெற்றிருந்த விளம்பரப் பக்கம். தற்போது அப்படம் அடங்கிய பதிவு நீக்கப்பட்டுவிட்டது.

நாய் இறைச்சி சட்டவிரோத விற்பனை: உணவு அமைப்பு விசாரணை

25 Sep 2026 - 12:38 PM

அம்மூன்று மாணவிகளும் முதுநிலைப் பட்டக் கல்வி பயின்று வருவதாகத் தெரிவிக்கப்பட்டது.

விசாரணையில் புனேயைச் சேர்ந்த குஷ்பூ அகர்வால் என்ற பயண முகவர் அவர்களுக்குப் பயணச்சீட்டு முன்பதிவு செய்து தந்ததாகவும் அவரே அப்பணம் அடங்கிய பைகளைத் தந்ததாகவும் அம்மாணவிகள் கூறினர்.

இச்செய்தியைப் பகிரவும்

குறிப்புச் சொற்கள்

இந்தியாஅமெரிக்க டாலர்துபாய்கடத்தல்மாணவியர்