மாணவர் முரசு
இ-பேப்பர்
கோல்கத்தா: பா.ஜ.க.வின் முதற்கட்ட வேட்பாளர் பட்டியலில் போஜ்புரி பாடகர் பவன்சிங் பெயர் இடம்பெற்றிருந்தது. போஜ்புரி மொழிப் பாடகரும் நடிகருமான பவன் சிங் சில காரணங்களால் போட்டியிடப் போவதில்லை என அறிவித்துள்ளார்.
மேற்கு வங்க மாநிலத்தின் அசன்சோல் தொகுதி பா.ஜ.க. வேட்பாளரான பவன் சிங் தேர்தலில் இருந்து விலகிக் கொள்வதாக அறிவித்துள்ள சம்பவம் பாஜக நிர்வாகிகளிடையே அதிர்ச்சியை ஏற்படுத்தி உள்ளது.
நாடாளுமன்றத் தேர்தல் தேதி விரைவில் அறிவிக்கப்படவுள்ளது. இந்தநிலையில் நாடாளுமன்ற தேர்தலுக்கு பா.ஜனதா கட்சியின் முதல் கட்ட வேட்பாளர் பட்டியல் நேற்று வெளியானது. மொத்தம் உள்ள 543 தொகுதிகளில் 195 தொகுதிகளுக்கு வேட்பாளர்களை பாஜக அறிவித்துள்ளது.
பிரதமர் மோடி, வாரணாசி தொகுதியில் மீண்டும் போட்டியிடுகிறார். 34 மத்திய அமைச்சர்களும் பட்டியலில் இடம் பெற்றுள்ளனர்.
இதில் மேற்குவங்கத்தில் 20 வேட்பளர்களுக்கான பட்டியலை பாஜக வெளியிட்டது. அப்பட்டியலில் அசன்சோல் தொகுதி வேட்பாளராக பவான் சிங் அறிவிக்கப்பட்டார்.
“பவான் சிங், பெங்காலிப் பெண்களை ஆபாசமாக சித்திரித்துப் பாடல் காட்சிகளில் நடித்துள்ளார். அவர் ஒரு பெண் வெறுப்பாளர் அதனால்தான், பாஜக அவருக்கு வாய்ப்பு கொடுத்துள்ளது,” என்று திரிணாமூல் காங்கிரஸ் நாடாளுமன்ற உறுப்பினர் சாகேத் கோகலே தனது X பக்கத்தில் பதிவிட்டிருந்தார்.
இந்நிலையில், போஜ்புரி பாடகரும் நடிகருமான பவான் சிங் தேர்தலில் போட்டியிடுவதில்லை என்ற முடிவை எடுத்துள்ளார்.
