மாணவர் முரசு
இ-பேப்பர்
குளிர்காலங்களில் அதிகமாகக் கிடைக்கும் மொச்சை பயறு, குறிப்பாக பொங்கல் சமயங்களில் மொச்சை பயறை விதவிதமாக சமைத்துச் சாப்பிடுவது வழக்கமாக இருந்து வருகிறது. நாட்டு காய்கறிகளில் முக்கிய இடம்பிடித்துள்ள இதில் ஊட்டச்சத்துகள் நிரம்பியுள்ளன.
உடல் தளர்ச்சி நோய்:
'பார்க்கின்சன்' எனும் உடல் தளர்ச்சி நோயிலிருந்து மொச்சை பயறு பாதுகாக்கிறது. மொச்சை பயறில் உள்ள ரசாயனம் நரம்புக் கடத்தியாகவும் செயல்படுகிறது. பெரியவர் களுக்கு ஏற்படும் நரம்புத் தளர்ச்சி அறிகுறிகளை போக்குகிறது. மேலும் உடல் தளர்ச்சி நோய் உள்ளவர் களுக்கு 'போலேட்' குறைபாடு இருப்பது தெரிய வந்துள்ளது. எனவே இந்த 'போலேட்' குறைபாட்டை போக்கவும் மொச்சை பயறு உதவுகிறது.
பிறப்புக் குறைபாட்டை
தடுக்கும்:
மொச்சை பயிறில் உள்ள 'போலேட்' பிறந்த குழந்தை களின் பிறப்புக் குறைப்பாட்டை போக்க உதவுகிறது. எனவே கர்ப்பிணி பெண்கள் இதை எடுத்துக்கொள்வது நல்லது.
ஒவ்வொரு நாளும் உங்களுக்கு 400 எம்.சி.ஜி போலேட் ஊட்டச்சத்து தேவைப்படுகிறது.
இதுவே கர்ப்ப காலத்தில் 600 எம். சி.ஜி அளவு அதிகரிக் கிறது. கருவில் வளரும் குழந்தைகளுக்கு ஏற்படும் முதுகெலும்பு முழுமையற்ற வளர்ச்சி, மூளையின் பகுதிகளில் ஏற்படும் முழுமையற்ற வளர்ச்சி போன்ற முக்கிய பிறப்பு குறைப்பாட்டை தடுக்க இது உதவுகிறது.
கர்ப்ப கால பெண்கள்:
மொச்சை பயறில் உள்ள 'போலேட்', கருச்சிதைவு, குறைப்பிரசவம், குறைந்த எடையுடன் குழந்தை பிறத்தல் போன்றவற்றை தடுக்க உதவுகிறது.
பிரசவத்திற்கு முன்பு தாய்மார்கள் அளவுக்கு அதிகமாக மொச்சை பயிறு சாப்பிடுவது குழந்தைக்கு ரத்த சோகையை ஏற்படுத்தலாம் என சில ஆய்வுகள் தெரிவிக்கின்றன.
எனவே கர்ப்ப காலத்தில் மருத்துவரின் ஆலோசனையைப் பெற்று போதுமான அளவு மொச்சை பயறை உணவில் சேர்த்துக் கொள்ளலாம்.
இதய ஆரோக்கியம்
மொச்சை பயறில் மக்னீசியம் அதிகளவு உள்ளது. இந்த மக்னீசியம் ரத்த அழுத்தத்தை குறைக்க உதவுகிறது. இதிலுள்ள கரையக்கூடிய நார்ச்சத்துகள் கொலஸ்ட்ரால் அளவை குறைத்து இதய நோய்கள் வராமல் தடுக்கிறது.
ரத்தத்தில் உள்ள கெட்ட கொழுப்பின் அளவை குறைத்து நல்ல கொலஸ்டிரால் (எச்டிஎல்) அளவை அதிகரிக்கச் செய்கிறது. இதய ஆரோக்கியத்தை மேம்படுத்த உதவுகிறது.
உடலுக்கு தேவையான
ஆற்றலை வழங்குகிறது
மொச்சை பயறில் இரும்புச் சத்து இருப்பதால் ரத்த சிவப்பணுக்கள் உற்பத்தி மற்றும் ஆற்றல் உற்பத்திக்கு உதவுகிறது. ரத்த சோகை போன்ற இரும்புச் சத்து குறைப்பாட்டை போக்குகிறது. எனவே உடல் எப்பொழுதும் சோர்வாக இருப்பவர்கள் மொச்சை பயறை தங்கள் உணவில் சேர்த்துக் கொள்ளலாம். இந்த மொச்சை பயறில் உள்ள நார்ச்சத்துக்கள் ரத்த சர்க்கரை அளவை கட்டுப்பாட்டில் வைக்க உதவுகிறது.
ஆஸ்டியோபோரோசிஸை
தடுக்கிறது
மொச்சை பயறில் உள்ள மாங்கனீஸ் சத்து, ஆஸ்டியோபோரோசிஸ் போன்ற எலும்பு சம்பந்தமான நோயை தடுக்க உதவுகிறது. கால்சியம் குறைப்பாட்டை போக்கி எலும்பின் வலிமைக்கு உதவுகிறது.
நோயெதிர்ப்பு சக்தி:
மொச்சை பயறில் உள்ள தாமிரச்சத்து ஆரோக்கியமான ரத்த வெள்ளை அணுக்களை உற்பத்தி செய்ய உதவுகிறது. இதனால் நோயெதிர்ப்பு சக்தி அதிகரிக்கிறது.