மாணவர் முரசு
இ-பேப்பர்
மெகா இந்தியா எக்ஸ்போ கண்காட்சி ஜூன் 22ஆம் தேதி முதல் 25ஆம் தேதி ஞாயிறு இரவு வரை சிங்கப்பூர் எக்ஸ்போவில் நடைபெறுகிறது.
‘எம்ஜெஎஃப் கண்காட்சிகள்‘ ஏற்பாட்டில், ஷாபாஸ் இந்த மெகா கண்காட்சியை வழங்குகிறது.
புகழ்பெற்ற திரைப்பட நட்சத்திரமான நடிகர் சதீஷ், இன்று கண்காட்சியில் பங்குபெறுகிறார்.
இந்த இலவசக் கண்காட்சி நாள்தோறும் காலை 10 முதல் இரவு 10 மணி வரை இடம்பெறும். மொத்தம் 150க்கு மேற்பட்ட உள்ளூர், வெளியூர் வர்த்தகங்கள் இந்தக் கண்காட்சியில் பங்குபெற்றுள்ளன.
மலேசியாவிலும் இந்தியாவிலும் பல்வேறு மாநிலங்களில் இயங்கும் வணிகங்கள் கண்காட்சியில் தங்கள் கூடங்களை அமைத்துள்ளன.
கண்காட்சி ஏற்பாட்டாளரும் ஷாபாஸ் நிறுவன உரிமையாளருமான திரு அப்துல் மாலிக், இந்நிகழ்வு மக்களை பலதரப்பட்ட பொருள்களுக்கு அறிமுகப்படுத்துவதோடு, உள்ளூர், வெளியூர் வர்த்தகங்கள் சந்திப்பதற்கான தளமாகவும் இக்கண்காட்சி விளங்கும் என்று தெரிவித்தார்.
பஞ்சாபி உடைகள், சேலைகள், ரவிக்கைகள், பாவாடைகள், மற்ற வடஇந்திய உடைகள் ஆகிய பலவிதமான பாரம்பரிய இந்திய ஆடைகளைக் கண்காட்சியில் வாங்கலாம்.
அறைகலன்கள், வீட்டுப் பயன்பாட்டுப் பொருள்கள், ஆடை அணிகலன்கள், ஓவியங்கள்,கைவினைப் பொருள்கள் முதலியவற்றை வழங்கும் இக்கண்காட்சியில், புது வரவுகளையும் வேறுபட்ட வடிவமைப்புகளையும் மக்கள் எதிர்பார்க்கலாம்.
தொடர்புடைய செய்திகள்
பொருள்கள் வாங்குவதற்காக கண்காட்சிக்கு வரும் வாடிக்கையாளர்கள் நடந்து களைப்படைந்தால் நிகழ்ச்சிகளை ரசித்தபடி இந்திய ரோஜாக், இந்தியப் பலகாரங்கள் போன்ற உணவுவகைகளைச் சுவைக்கலாம்.
மேலும், சிறுவர்கள் உற்சாகத்துடன் விளையாட ‘பவுன்சிங் காசல்’ அமைக்கப்பட்டுள்ளது.
வரும் ஞாயிற்றுக்கிழமைவரை மாறுபட்ட மேடை கலைநிகழ்ச்சிகள் இடம்பெறும் என்ற திரு அப்துல் மாலிக், மேடைக்காக ஏங்கும் கலைஞர்களுக்கு இந்தக் கண்காட்சி ஊக்கம் அளிக்கும் என்று நம்புவதாகவும் சொன்னார் .
“கண்காட்சியில் நிறைய பொருள்களை வாங்க வேண்டும் என ஆசையாக உள்ளது. இம்முறையும் பெரும் கூட்டத்தை வரவேற்கும் வகையில் கண்காட்சி அருமையாக அமைக்கப்பட்டுள்ளது,” என்றார் திருவாட்டி ராஜேஸ், 65.
‘கேலக்ஸி இம்பெக்ஸ்’ கடையின் ஊழியரான சிவரஞ்சினி, 19, தங்களது கடையில் பலதரப்பட்ட பஞ்சாபி சூட் வகைகள் விற்கப்படுவதாக கூறினார். வரும் நாள்களில் மேலும் அதிகமான கூட்டத்தை எதிர்பார்க்கிறார் இவர்.
நிகழ்ச்சிக்கு வரும் நடிகர் சதீஷைக் காண்பதற்காக மக்கள் திரண்டு வருவர் என எதிர்பார்க்கப்படுகிறது.