ஜூரோங் வெஸ்ட்டில் விபத்து; மருத்துவமனையில் மோட்டார் சைக்கிளோட்டி

ஜூரோங் வெஸ்ட் அவென்யூ 4ல் நவம்பர் 12ஆம் தேதியன்று சாலை விபத்து ஏற்பட்டது.

காரும் மோட்டார் சைக்கிளும் விபத்துக்குள்ளாகின.

பாதிக்கப்பட்ட மோட்டார் சைக்கிளோட்டி மருத்துவமனைக்குக் கொண்டு செல்லப்பட்டார்.

இரவு 7.10 மணி அளவில் விபத்து குறித்து தகவல் கிடைத்ததாக சிங்கப்பூர் குடிமைத் தற்காப்புப் படையும் காவல்துறையும் தெரிவித்தன.

41 வயது மோட்டார் சைக்கிளோட்டி இங் டெங் ஃபோங் பொது மருத்துவமனைக்குக் கொண்டு செல்லப்பட்டார்.

அப்போது அவர் சுயநினைவுடன் இருந்ததாக அதிகாரிகள் தெரிவித்தனர்.

பிரதானச் சாலைக்குள் கார் திரும்பியபோது அவ்வழியாகச் சென்றுகொண்டிருந்த மோட்டார் சைக்கிளோட்டி மீது மோதியது. இதில் நிலைதடுமாறி மோட்டார் சைக்கிளோட்டி சாலையில் விழுந்தார்.

இக்காட்சியைக் காட்டும் காணொளிப் பதிவு ஃபேஸ்புக்கில் பதிவேற்றம் செய்யப்பட்டது.