பரபரப்பான ஈசூன் சாலையில் சலசலப்பு; ஆடவர் கைது

சாலையில் வாகனங்கள் சென்று கொண்டிருந்தபோது வாகனமோட்டிகளுக்கு இடையூறு ஏற்படுத்தும் விதமாகச் சாலை நடுவில் நின்று தொல்லை கொடுத்த ஆடவர் தடுத்துவைக்கப்பட்டுள்ளார்.

இச்சம்பவம் ஈசூன் அவென்யூ 2ல் ஞாயிற்றுக்கிழமை (அக்டோபர் 26) பிற்பகல் 2 மணிவாக்கில் நடந்ததாகக் காவல்துறை கூறியது.

53 வயது ஆடவர் மனநலப் பாதுகாப்புச் சட்டத்தின்கீழ் தடுத்துவைக்கப்பட்டுள்ளதாக அதிகாரிகள் தெரிவித்தனர்.

சம்பவம் குறித்த காணொளியும் எஸ்ஜி ரோடு விஜிலான்டே ஃபேஸ்புக் பக்கத்தில் பதிவிடப்பட்டுள்ளது. அதில் கறுப்பு ஆடை அணிந்த ஆடவர் ஒருவர் சாலை நடுவில் நிற்பதையும் அவர்மேல் மோதாமல் இருக்க வாகனங்கள் ஒதுங்கிச் செல்வதையும் பார்க்கமுடிந்தது.

மேலும் அந்த ஆடவர் தனது கைகளைச் சுழற்றி வாகனமோட்டிகளை அச்சுறுத்தினார். இச்சம்பவத்தில் யாரும் காயமடையவில்லை.