மாணவர் முரசு
இ-பேப்பர்
பழைய எடைப் பயிற்சிக் கருவிகள், சறுக்குப் பலகைகள், குளிர்கால ஆடைகள் போன்றவற்றை டிக்கேத்தலோன் அதன் வாடிக்கையாளர்களிடமிருந்து வாங்குகிறது.
இந்தப் பொருள்களை வாடிக்கையாளர்கள் டிக்கேத்தலோனிலிருந்து வாங்கியிருக்க வேண்டும்.
அக்டோபர் 25, 26ஆம் தேதிகளில் காலை 10 மணியிலிருந்து இரவு 8 மணி வரை காலாங்கில் உள்ள டிக்கேத்தலோன் சிங்கப்பூர் லேப்பில் அமைக்கப்பட்டுள்ள ‘சர்க்கியூலர் பசாரில்’, முன்பு டிக்கேத்தலோனிலிருந்து வாங்கிய பொருள்களைத் திரும்பவும் அந்நிறுவனத்திடமே விற்கலாம்.
குறிப்பிட்ட சில பொருள்களை டிக்கேத்தலோனிடம் விற்கும் வாடிக்கையாளர்களுக்கு பற்றுச்சீட்டுகள் வழங்கப்படும்.
விளையாட்டுத்துறையுடன் தொடர்புடைய பொருள்கள் கழிவுப்பொருள்களாக மாறாமல் இருக்க இந்நடவடிக்கை மேற்கொள்ளப்படுவதாக ஸ்ட்ரெய்ட்ஸ் டைம்ஸ் நாளிதழிடம் டிக்கேத்தலோன் கூறியது.
பழுதுபார்ப்பு, புதுப்பிப்பு, மறுபயனீட்டு ஆகியவை மூலம் வாடிக்கையாளர்களுக்கு நீடித்த நிலைத்தன்மைமிக்க தெரிவுகளை வழங்க அது இலக்கு கொண்டுள்ளது.
