சிங்கப்பூரும் மலேசியாவும் பங்கேற்ற ஆர்டிஎஸ் இணைப்புத் திட்டத்திற்கான அவசரகாலச் செயல்பாட்டுப் பயிற்சி

படம்: உள்துறை அமைச்சு

28 Oct 2026 - 7:58 pm

2 mins read

ஜோகூர் பாரு-சிங்கப்பூர் விரைவுப் போக்குவரத்து இணைப்பு, அடுத்த ஆண்டு செயல்பாட்டுக்கு வரும்போது, ஒவ்வொரு ரயிலும் 600க்கும் மேற்பட்ட பயணிகளை ஏற்றிச் செல்லும்.

ரயில்கள் மிகக் குறுகிய கால இடைவெளியில் இயக்கப்படும். ஒரு திசையில் ஒரு மணி நேரத்திற்கு அதிகபட்சமாக 10,000 பயணிகள் வரைபயணம் செய்ய முடியும்.

இத்தகைய சூழலில், தவறுக்கு இடமே இருக்கக்கூடாது என்று உள்துறை இரண்டாம் அமைச்சர் சிம் ஆன் தெரிவித்தார்.

“எதிர்வினைத் திட்டங்களைச் சரியாக, விரைவாகச் செயல்படுத்துவதன் மூலம், உயிர்களைக் காக்கவும், சேதங்களைக் குறைக்கவும், இயல்பு நிலையை விரைவாக மீட்டெடுக்கவும் நாம் தயாராக இருக்க முடியும்,” என்று புதன்கிழமை (அக்டோபர் 28) நடைபெற்ற மலேசியா-சிங்கப்பூர் எல்லை தாண்டிய கூட்டுக் களப் பயிற்சியின் நிறைவு உரையில் பேசிய அவர் கூறினார்.

அக்டோபர் 27ஆம் தேதி நடைபெற்ற பாவலைப் பயிற்சியில், மலேசியாவின் அரச மலேசியக் காவல்துறை, எல்லைக் கட்டுப்பாடு, பாதுகாப்பு அமைப்பு, தீயணைப்பு, மீட்புத் துறை, சுகாதார அமைச்சு, மலேசிய ஆயுதப் படைகள், சிங்கப்பூரின் குடிநுழைவு, சோதனைச் சாவடி ஆணையம் (ஐசிஏ), சிங்கப்பூர் காவல்துறை, சிங்கப்பூர் குடிமைத் தற்காப்புப் படை ஆகியவை பங்கேற்றன.

பாவனைப் பயிற்சியின்போது, பங்கேற்பாளர்களின் செயல்பாட்டுத் தயார்நிலை, நிறுவனங்களுக்கு இடையேயான ஒருங்கிணைப்பு குறித்துச் சோதிக்கப்பட்டது.

ஆர்டிஎஸ் இணைப்பு ரயில், தடங்களில் ஏற்படக்கூடிய சிக்கலான அவசரகால சூழ்நிலையின் சரியான நேரத்தில், பயனுள்ள கூட்டு நிர்வாகத்தை உறுதி செய்வதில் இரு நாடுகளின் இயங்குநிலையும் அதில் அடங்கும்.

கூட்டுத் தீயணைப்பு நடவடிக்கைகள், மருத்துவ அவசரநிலைகள், காயமடைந்தவர்களை வெளியேற்றுதல், எல்லை தாண்டிய ஒருங்கிணைந்த அவசரகால நடவடிக்கைகள் ஆகியவை அந்தப் பாவனைப் பயிற்சியில் அடங்கும் என்று சிங்கப்பூரின் உள்துறை அமைச்சும் மலேசியாவின் தேசியப் பாதுகாப்பு மன்றமும் புதன்கிழமை வெளியிட்ட கூட்டு அறிக்கை தெரிவித்தது.

இவையும் உங்களுக்குப் பிடிக்கலாம்

அனைத்துவகைச் செய்திகளும் ஒரே இடத்தில்.

புகைமூட்டத்துடன் தொடர்புடையதாக நம்பப்படும் நிறுவனங்களின் பிரதிநிதிகளை மூத்த அமைச்சரும் தேசியப் பாதுகாப்பு ஒருங்கிணைப்பு அமைச்சரும், உள்துறை அமைச்சருமான கா. சண்முகம், துணைப் பிரதமரும் எரிசக்தி, வர்த்தக, தொழில்துறை அமைச்சருமான (வர்த்தகம்) கான் கிம் யோங், நீடித்த நிலைத்தன்மை, சுற்றுப்புற அமைச்சர் கிரேஸ் ஃபூ ஆகியோர் நேரில் சந்தித்தனர்.

புகைமூட்டச் சட்டத்தில் திருத்தங்களை நாடாளுமன்றத்தில் முன்வைக்க அரசாங்கம் திட்டம்

28 Oct 2026 - 7:49 PM

மூத்த அமைச்சரும் தேசியப் பாதுகாப்பு ஒருங்கிணைப்பு, உள்துறை அமைச்சருமான கா சண்முகம் செய்தியாளர்களிடம் பேசினார்.

புகைமூட்டத்துடன் தொடர்புடைய நிறுவனங்கள் ஒத்துழைக்க வலியுறுத்து

28 Oct 2026 - 8:05 PM