மாணவர் முரசு
இ-பேப்பர்
ஏறத்தாழ 30 மீட்டர் உயரப் பாரந்தூக்கி மேல் பணிபுரிந்துகொண்டிருந்த ஊழியரின் உடல்நலம் குன்றியதை அடுத்து அவர் அங்கிருந்து மீட்கப்பட்டதாகச் சிங்கப்பூர் குடிமைத் தற்காப்புப் படை தெரிவித்தது.
இச்சம்பவம் திங்கட்கிழமை (நவம்பர் 10) நிகழ்ந்தது.
மாலை 5.30 மணி அளவில் தியாம் சியூ அவென்யூவில் உள்ள கட்டுமானத் தளத்தைச் சிங்கப்பூர் குடிமைத் தற்காப்புப் படையின் சிறப்புப் பிரிவான பேரிடர் உதவி, மீட்புக் குழுவைச் சேர்ந்த இரண்டு தீயணைப்பாளர்களும் நான்கு மீட்புப் பணியாளர்களும் அடைந்தனர்.
ஏணியைப் பயன்படுத்தி அதிகாரிகள் பாரந்தூக்கியில் ஏறினர்.
பாரந்தூக்கிக்கு மேல் இருந்த கூண்டிற்குள் இருந்த ஊழியருக்கு அவர்கள் தண்ணீரும் உயிர்வாயுவும் வழங்கினர்.
பிறகு அவரைத் தூக்குப் படுக்கையில் கட்டி கீழே கொண்டு வந்தனர்.
அப்போது ஊழியரின் பாதுகாப்புக்கு முன்னுரிமை கொடுக்கும் மீட்புப் பணியாளர் ஒருவரும் அந்தத் தூக்குப் படுக்கையுடன் இணைக்கப்பட்டார்.
ஊழியர் தரையை அடைந்ததும் அவரை மருத்துவ உதவியாளர் சோதனையிட்டார்.
தொடர்புடைய செய்திகள்
பிறகு ஊழியர் சாங்கி பொது மருத்துவமனைக்குக் கொண்டு செல்லப்பட்டார்.