மாணவர் முரசு
இ-பேப்பர்
சேட்ஜிபிடி (ChatGPT) போன்ற செயற்கை நுண்ணறிவு (ஏஐ) மென்பொருள், ஏராளமான நூல்களைப் பயன்படுத்தி சில நொடிகளில் நகல்களை உருவாக்கி, எழுத்தாளர்களின் கைவினைக்கு ஆபத்தை விளைவிக்கும் முன், 15 ஆம் நூற்றாண்டில் இடைக்கால கையெழுத்துப் பிரதிகளைக் கையால் நகலெடுக்கும் எழுதுபவர்கள் இருந்தனர்.
புதிதாக உருவாக்கப்பட்ட ‘கூட்டன்பர்க் அச்சகம்’ அவர்களின் தொழிலுக்கும் அச்சுறுத்தலாக இருந்தது.
அமெரிக்காவின் புகழ்பெற்ற அறிவியல் புனைகதை மற்றும் கற்பனை எழுத்தாளரான கென் லியூ, நவம்பர் 8 ஆம் தேதி சிங்கப்பூர் எழுத்தாளர் திருவிழாவில் ஆற்றிய முக்கிய உரையில், நகலெடுக்கும் கலை எப்போதுமே கலையின் வரலாற்றில் மையமாக இருந்துள்ளது என்று கூறினார்.
கலையின் மீது ஏஐ ஏற்படுத்தும் தாக்கத்தை உண்மையாகப் புரிந்து கொள்ள, மனித மற்றும் இயந்திர நகலெடுப்புக்கு இடையேயான நுட்பமான வேறுபாட்டைக் கவனமாகக் காண வேண்டும் என்றும் அவர் வலியுறுத்தினார்.
ஹ்யூகோ, நெபுலா ஆகிய விருதுகளை வென்ற ‘ஆல் தட் வீ சீ ஓர் சீம் (All That We See Or Seem - 2025)’ என்ற அண்மைய அறிவியல் புனைகதைத் திகில் நாவலை 49 வயதான கென் லியூ எழுதியுள்ளார்.
அத்துடன் ஏஐ தொழில்நுட்பத்தின் முன்னேற்றங்களுக்கு கலைஞர்கள் எவ்வாறு பதிலளிக்க வேண்டும் என்பதற்கான நுணுக்கமான காட்சிகளை முன்வைத்தார்.
விக்டோரியா திரையரங்கில் நிரம்பியிருந்த பார்வையாளர்களுக்கு பதில் அளித்துவந்த திரு லியூ அவ்வாறு கூறினார்.
படைப்புத் திறன்பெற்ற செயற்கை நுண்ணறிவுக்கான முதலீடுகள் 2025 இல் 94 விழுக்காடு அதிகரித்து 61.9 பில்லியன் அமெரிக்க டாலர்களாக (S$79.5 பில்லியன்) உயரும் என்று எதிர்பார்க்கப்படுகிறது.
தொடர்புடைய செய்திகள்
இதனை எதிர்த்து, எழுத்தாளர்களும் படைப்பாளர்களும் சட்டபூர்வ நடவடிக்கைகளை எடுத்து வருகின்றனர்.
“கலைப்படைப்புகள் எப்போதுமே முழுமையாக ஒருவரது சொந்த யோசனைகளிலிருந்து உதயமாவதில்லை என்று தெரிவித்த திரு லியூ, உண்மையில், மேற்கத்திய நாடுகளில் கலைகளுக்கான நிறுவப்பட்ட அழகியல் கோட்பாடு, கலை என்பது நகலெடுப்பதைப் பற்றியதுதான்,” என்று திரு லியூ கூறினார்.
கிரேக்க அறிஞர் அரிஸ்டாட்டில் முதல் ஸ்காட்டிஷ் எழுத்தாளர் வால்டர் ஸ்காட் வரை எடுத்துக்காட்டுகளாகத் திரு லியூ சுட்டினார்.