அரசாங்க மடிக்கணினியில் சட்டவிரோத அனுமதி: ஆடவர்க்குச் சிறைத் தண்டனை

படம்: பெரித்தா ஹரியான்

29 Sep 2026 - 2:14 pm

2 mins read

அரசு நீதிமன்றங்களில் வெளிப்புற தகவல் தொடர்பு தொழில்நுட்ப நிபுணராகச் சேவை வழங்கும்படி இணைக்கப்பட்டிருந்த ஆடவர் ஒருவர், அரசாங்கத்தால் நிர்வகிக்கப்படும் மடிக் கணினியில் சட்டவிரோத மாற்றங்களைச் செய்துள்ளார்.

அது, அனுமதி வழங்கப்படாத நபர் ஒருவர், வேறோர் இடத்திலிருந்து மடிக்கணினியை இயக்க வழியமைத்தது.

அதன் மூலம் அரசு நீதிமன்றங்களுக்குச் சொந்தமான 18,000க்கும் அதிகமான கோப்புகளின் பாதுகாப்புக்குப் பாதிப்பு ஏற்பட்டது. இருப்பினும், சம்பவத்தின்போது எந்தத் தகவலும் ஊடுருவப்படவில்லை என்று கண்டறியப்பட்டது.

சம்பவம் தொடர்பில் திங்கட்கிழமை (செப்டம்பர் 28) 42 வயது ஜனார்த்தனன் தமிழ் கோவனுக்கு 28 வாரச் சிறைத் தண்டனை விதிக்கப்பட்டது. அவர் குற்றத்தை ஒப்புக்கொண்டார்.

தமது சொந்த கணினியின் திரை பழுதாயிருப்பதால் தகவல் பாதுகாப்பிற்கான தேர்வை அரசாங்கம் நிர்வகிக்கும் மடிக்கணினி வழி எழுத ஜனார்த்தனன் முற்பட்டபோது குற்றம் புரியப்பட்டது.

இந்திய நாட்டவரான அவர், 2017ஆம் ஆண்டு லெனோவோ பிசிசிடபிள்யூ என்ற தகவல் தொழில்நுட்ப நிறுவனத்தில் சேவை விநியோக நிர்வாகியாகப் பணியமர்த்தப்பட்டார்.

2024ஆம் ஆண்டு ஜூன் மாதம் அவர் அரசு நீதிமன்றங்களில் வெளிப்புற சேவை வழங்குநராக இணைக்கப்பட்டார்.

கடந்த ஆண்டு ஆகஸ்ட் 4ஆம் தேதி, அங்கீகாரம் பெற்ற தகவல் பாதுகாப்பு நிர்வாகிக்கான தேர்வை மேற்கொள்ள ஜனார்த்தனன் மடிக்கணினியைப் பயன்படுத்தினார்.

இவையும் உங்களுக்குப் பிடிக்கலாம்

அனைத்துவகைச் செய்திகளும் ஒரே இடத்தில்.

செந்தோசா தீவில் இயங்கும் ஆர்டபிள்யூஎஸ் சூதாட்டக்கூடம்.

செந்தோசா சூதாட்டக்கூடத்தில் $10,000 கள்ள நோட்டுகள்: இந்தோனீசியா விசாரணை

29 Sep 2026 - 11:28 AM

விபத்தைத் தொடர்ந்து தஞ்சோங் ரூ ரிவர்ஃபிரண்ட் II கட்டுமானப் பகுதியில் பணிகள் அனைத்தும் நிறுத்தி வைக்கப்பட்டுள்ளன.

கட்டுமானத் தளத்தில் உயரத்திலிருந்து விழுந்த ஊழியர் மரணம்

29 Sep 2026 - 12:35 PM

செவ்வாய்க்கிழமை (செப்டம்பர் 29) காலையில் தோ பாயோவிலிருந்து காணப்பட்ட நகரின் புகைமூட்டம்.

சிங்கப்பூர் முழுவதும் காற்றுத்தரம் ஆரோக்கியமற்ற நிலையை எட்டியது

29 Sep 2026 - 10:30 AM

தெம்பனிசில் அமைந்துள்ள விஎஸ்எம்சி ஆலை வரும் 2029ஆம் ஆண்டிற்குள் தனது முழு உற்பத்தித்திறனை எட்டும்போது மாதத்திற்கு 44,000 கணினிச் சில்லுகளைத் தயாரிக்கும்.

புதிய சில்லு ஆலை திறப்பு: 1,600 வேலைவாய்ப்புகள் உருவாக்கம்

28 Sep 2026 - 7:02 PM

ஆனால், அதில் உள்ள உரிய பாதுகாப்புச் சோதனைகளை அவரால் நிறைவேற்ற முடியவில்லை.

தகவல் தொழில்நுட்பம் தொடர்பான பயிற்சிகளுக்கு வாட்ஸ்அப் மூலம் அறிமுகமான ‘ஹரி பாலன்’ என்று அடையாளம் காணப்பட்ட நபரிடம் ஜனார்த்தனன் உதவி நாடினார்.

அப்போது வேறோர் இடத்திலிருந்து மடிக்கணினியை இயக்க வழியமைக்கும் செயலி ஒன்றைப் பதிவிறக்கம் செய்யும்படி ஹரி பாலன் கூறினார்.

அதே போல செய்ததை அடுத்து இந்தியாவில் உள்ள இணைய இணைப்புடன் ஜனார்த்தனின் மடிக்கணினி இணைக்கப்பட்டது.

அச்சமயத்தில் ஹரி பாலன் பல்வேறு கோப்புகளை மடிக்கணினிக்கு அனுப்பினார்.

சம்பவம் தொடர்பில் கடந்த ஆண்டு ஜூன் மாதம் ஜனார்த்தனன் கைதுசெய்யப்பட்டார்.

இச்செய்தியைப் பகிரவும்

குறிப்புச் சொற்கள்

மடிக்கணினிஅரசு நீதிமன்றங்கள்சட்டவிரோதம்அனுமதிஇந்திய ஆடவர்சிறைத்தண்டனை