மாணவர் முரசு
இ-பேப்பர்
சிங்கப்பூர் பயனீட்டாளர்கள் ஏப்ரல் முதல் ஜூன் மாதத்திற்கான மின்சாரக் கட்டணத்தில் விலைக்குறைவை எதிர்பார்க்கலாம்.
முதல் காலாண்டான ஜனவரி மாதம் முதல் மார்ச் மாதத்திற்கான கட்டணத்தில் சராசரியாக 5.4 விழுக்காடு விலைக்குறைவு இருக்கும் என்று எஸ்பி குரூப் தெரிவித்தது.
புதிய விலையின்படி, வீடுகளுக்கான மின்சாரக் கட்டணங்களில் பொருள் சேவை வரி சேர்க்கப்படாமல் ஒரு கிலோவாட்டிற்கான விலை 27.43 காசாக இருக்கும். தற்போது அது 28.95 காசாக உள்ளது.
மின்கட்டணத்திற்குப் பொருள் சேவை வரி சேர்த்தால் 29.62 காசுகள். தற்போது அது 31.27 காசாக உள்ளது.
புதிய விலையால் நாலறை வீவக வீட்டில் வசிக்கும் குடும்பத்திற்குப் பொருள் சேவை வரி சேர்க்கப்படாமல் மின்கட்டணத்தில் சராசரியாக 4.69 வெள்ளி குறையும்.
பொதுவாக நாலறை கொண்ட வீவக வீட்டின் பொருள் சேவை வரி சேர்க்கப்படாமல் சராசரி மாத மின்கட்டணம் 89.32 வெள்ளியாக உள்ளது.
சிங்கப்பூரில் தொடர்ந்து மூன்றாவது காலாண்டாக மின்கட்டணங்கள் குறைந்துள்ளன.
