மே மாதக் கடைசியில் மழை குறையும்

அடுத்த இரண்டு வாரங்களுக்கு குறுகிய நேரத்திற்கு இடியுடன் கூடிய மழையையும் இரவு நேரத்தில் வெப்பமான, ஈரப்பதத்துடன் கூடிய வானிலையயும் எதிர்பார்க்கலாம்.

எனினும், கடந்த இரு வாரங்களாக அவ்வப்போது மழை பெய்த நிலையில், மே மாதக் கடைசி வாரத்தில் அது குறையும் என எதிர்பார்க்கப்படுவதாகச் சிங்கப்பூர் வானிலை ஆய்வு மையம் வியாழக்கிழமை (மே 16) தெரிவித்தது.

பெரும்பாலான நாள்களில் தீவின் பல பகுதிகளில் காலை பின்னேரத்திலும் பிற்பகலிலும் இடியுடன் கூடிய மழை பெய்யக்கூடும்.

சில நாள் காலைகளில், பரவலாக கனமழை பெய்வதுடன் பலத்த காற்றும் வீசலாம் என முன்னுரைக்கப்பட்டுள்ளது.

அடுத்த இரண்டு வாரங்களில் தொடங்கவிருக்கும் தென்மேற்குப் பருவக்காற்றுக் காலமே இதற்குக் காரணம். இந்தப் பருவநிலை பொதுவாக செப்டம்பர் வரை நீடிக்கும்.

சில நாள்களில் இரவில் குறைந்தபட்ச வெப்பநிலை 28 டிகிரி செல்சியஸ் வரை இருக்கும் என எதிர்பார்க்கப்படுகிறது. தென்கிழக்கிலிருந்து வரும் காற்று, கடலிலிருந்து வெப்பமான, ஈரப்பதமான காற்றை நிலத்தின்மீது கொண்டு வருவதே இதற்குக் காரணம்.

பகல் நேரத்தில் வெப்பத்திலிருந்து நிவாரணம் கிடைக்கும் என எதிர்பார்க்கப்படவில்லை. பெரும்பாலான நாள்களில் அன்றாட அதிகபட்ச வெப்பநிலை 33 டிகிரி செல்சியசுக்கும் 34 டிகிரி செல்சியசுக்கும் இடைப்பட்டிருக்க வாய்ப்புள்ளது.

சில நாள்களில், வானத்தில் குறைவான மேகங்கள் தவழும்போது வெப்பநிலை 35 டிகிரி செல்சியசை எட்டக்கூடும்.

செவ்வாய்க்கிழமை (மே 14) சுவா சூ காங்கில் அதிகபட்ச அன்றாட வெப்பநிலையாக 36.1 டிகிரி செல்சியஸ் பதிவானது.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!