மாணவர் முரசு
இ-பேப்பர்
38 ஆக்ஸ்லி ரோட்டிலிருந்து சிங்கப்பூரின் முதல் பிரதமர் லீ குவான் யூவின் தனிப்பட்ட வாழ்விடங்களை அகற்றுவதால் அதன் வரலாற்று முக்கியத்துவம் குறைந்துவிடாது என்று மரபுடைமைத் துறை நிபுணர்கள் தெரிவித்துள்ளனர்.
சிங்கப்பூரின் சுதந்திரத்தைச் செதுக்கிய முக்கிய நிகழ்வுகள் நடைபெற்ற அந்த வீட்டின் உண்மையான தோற்றத்தில் மாற்றம் செய்தாலும் அல்லது அதனை அகற்றினாலும் அந்த இடம் வரலாற்று நன்மதிப்பைத் தொடர்ந்து தாங்கி நிற்கும் என்பது அவர்களின் கருத்து.
சிங்கப்பூர் தேசியப் பல்கலைக்கழகத்தின் கட்டடக்கலைப் பாதுகாப்புப் பிரிவின் பட்டக்கல்வித் திட்ட இயக்குநரான இணைப் பேராசிரியர் ஜோஹான்ஸ் விடோடோ கூறுகையில், “சில இயற்கையான, தற்செயலான, குறிப்பிட்ட நோக்கத்திற்கான சூழ்நிலைகளில் கட்டடம் போன்ற பொருள்கள் அகற்றப்படுவது சில நேரங்களில் தவிர்க்கமுடியாதது,” என்றார்.
சிங்கப்பூர்ச் சூழ்நிலையில் பார்த்தால், நமது மூதாதையரின் விருப்பங்களுக்கு மதிப்பளிப்பது என்பது விரும்பி, ஏற்றுக்கொள்ளப்பட்ட ஒரு கலாசார நற்பண்பு ஆகும்,” என்று அவர் கூறினார்.
அடுத்து, ஸ்டூடியோ லேபிஸ் என்னும் கட்டடக்கலைப் பாதுகாப்புக்கான சிறப்பு ஆலோசனை நிறுவனத்தின் இணை நிறுவனர் ஹோ வெங் ஹின் கூறுகையில், “வீட்டைப் பாதுகாப்பதற்கும் திரு லீயின் தனியுரிமை விருப்பங்களை மதிப்பதற்கும் இடையில் நியாயமான சமநிலையை ஏற்படுத்தும்போது தனித்துவ அடையாளத்தைத் தவிர்ப்பது முக்கியம்,” என்றார்.
அதற்கு அவர் உதாரணம் ஒன்றை விளக்கினார்.
தனிப்பட்ட வசதி குறைவாக இருப்பதாக அரசாங்கம் கருதும் அடித்தள உணவருந்தும் அறையைத் தவிர்த்து அந்தக் கட்டடத்தின் இதர பகுதிகளில் மாற்றம் செய்யலாம் என்பது அவர் கொடுத்துள்ள உதாரணம்.
“எந்த வகையிலும், பாதுகாக்கப்பட்ட தளத்தின் இறுதி வடிவம் அதன் மரபுடைமை மதிப்பைக் குறைத்துவிடக் கூடாது.
தொடர்புடைய செய்திகள்
“ஒரு முகவரி அல்லது மேலோட்டமான வெளிப்புறத் தோற்றத்திற்கும் அப்பால் தேசிய நினைவுச் சின்னத்தின் முக்கியத்துவத்தை வருங்காலத் தலைமுறையினர் அர்த்தமுள்ள வகையில் பாராட்டுவது என்பது முக்கியம்,” என்றார் திரு ஹோ.