இணையப் பாதுகாப்பை வலுப்படுத்துவதில் சிங்கப்பூர் முன்னேற்றம்

சிங்கப்பூரின் இணையப் பாதுகாப்புத் திறனை வலுப்படுத்தி உள்ளூர் இணையப் பாதுகாப்பு நிறுவனங்களின் வளர்ச்சியை விரைவுபடுத்த அரசாங்கம் $110 மில்லியன் ஒதுக்கியிருப்பதாகத் தகவல், மின்னிலக்க மேம்பாட்டுத் துறையின் மூத்த துணையமைச்சர் டான் கியட் ஹாவ் தெரிவித்துள்ளார்.

மரினா பே சேண்ட்ஸ் எக்ஸ்போ நிலையத்தில் நடைபெற்ற இணையப் பாதுகாப்புப் புத்தாக்க நாள் நிகழ்ச்சியில் திரு டான் பேசினார்.

மேலும், இரண்டு முக்கிய அம்சங்கள் மூலம் இணையப் பாதுகாப்பை வலுப்படுத்தச் சிங்கப்பூர் முற்படுகிறது என்றார் அவர்.

நன்யாங் தொழில்நுட்பப் பல்கலைக்கழகத்துடன் இணைந்து சைபர்எஸ்ஜி ஆய்வு, மேம்பாட்டுத் திட்ட அலுவலகம், சிங்கப்பூர் தேசியப் பல்கலைக்கழகத்துடன் இணைந்து உருவாக்கப்பட்ட சைபர்எஸ்ஜி திறன், புத்தாக்க, வளர்ச்சி ஒருங்கிணைப்பு நிலையம் ஆகியவற்றின் மூலம் இணையப் பாதுகாப்பை உறுதிசெய்யச் சிங்கப்பூர் முயற்சி செய்கிறது.

சைபர்எஸ்ஜி திட்டங்கள் நல்ல பலன் அளித்துள்ளது என்ற திரு டான், 22 ஆய்வுத் திட்டங்களுக்கு $40 மில்லியன் ஒதுக்கப்பட்டுள்ளது என்றார் அவர்.

அவற்றில் சில திட்டங்கள் முன்னோடிக் கட்டத்தில் உள்ளன. சைபர்எஸ்ஜி திட்டம் பல இணையப்பாதுகாப்பு நிறுவனங்களுக்கு ஆதரவளித்துள்ளது என்றும் $37 மில்லியன் முதலீடு திரட்டியது என்றும் திரு டான் குறிப்பிட்டார்.