மாணவர் முரசு
இ-பேப்பர்
கணவர், தனது பரம்பரை சொத்துகளை திருமணத்திற்குப் பிறகு குடும்ப சொத்தாகக் கருதி னால் மனைவிக்கும் அதில் உரிமை இருக்கிறது என்று சிங்கப்பூரின் உயரிய நீதிமன்றம் வழக்கு ஒன்றில் தீர்ப்பு அளித்து உள்ளது.
மொத்தம் $3.8 மில்லியன் மதிப்புள்ள சொத்துகள் பரம்பரைச் சொத்தாக இருப்பதால் ஆடவர் ஒருவர் முன்னாள் மனைவிக்கு பகிர்ந்து அளிக்க மறுத்து விட்டார். இது தொடர்பான வழக்கில் பரம்பரைச் சொத்துகள் உட்பட அனைத்தும் குடும்பச் சொத்தாக ஆடவர் கருதியிருப்பது தெள்ளத் தெளிவாக தெரிகிறது என்று நீதிமன்றம் கூறியது. திருமணமான பிறகு, தனது மனைவிக்கு அனுப்பிய மின் அஞ்சல், குறுந்தகவலில் பரம்பரைச் சொத்துகளையும் சேர்த்து குடும்ப சொத்தாக 'நமது மொத்த சொத்து', 'நமது மொத்த செல்வம்' என்று ஆடவர் குறிப்பிட்டுள்ளார்.
தனது பரம்பரை பணத்தில் சிலவற்றை தம்பதியின் கூட்டு வங்கிக் கணக்கில் ஆடவர் வைத்திருந்ததையும் நீதிமன்றம் சுட்டிக்காட்டியது. 2018ஆம் ஆண்டு பிற்பகுதியில் திருமணம் முறிந்ததும் அந்த வங்கிக் கணக்கில் இருந்த முழுப் பணத்தையும் ஆடவர் எடுத்துவிட்டார்.
"இந்த சொத்துகள் பரிசாகக் கிடைத்தது அல்லது பரம்பரைச் சொத்து என்ற தகுதியை இழந்து விட்டது. காரணம், பரம்பரைச் சொத்துகளையும் குடும்பச் சொத்தாக அவர் வகைப்படுத்தியிருந்தார். இதனால் மொத்த சொத்தும் குடும்ப சொத்தாகக் கருதப்படும்," என்று நீதிமன்றம் விளக்கியது.
குடும்பச் சொத்தைப் பிரித்துக் கொள்ளும் உத்தரவை பிறப்பிக்க நீதிமன்றங்களுக்கு அதிகாரம் அளிக்கும் மாதர் சாசன சட்டப் பிரிவு 112ல் பரிசாக அல்லது பரம்பரை வழியில் வந்த சொத்து களிலிருந்து விலக்கு அளிக் கிறது.
இதற்கு அடிப்படையாக விளங்குவது இரண்டு காரணங்கள். அன்பளிப்பு அல்லது பரம்பரைச் சொத்தை தம்பதியரில் ஒருவர் மட்டுமே அனுபவிப்பதை அங்கீகரிக்கிறது. இரண்டாவது காரணம், தம்பதியரில் மற்றொருவர் திடீரென பெரும் சொத்தை அடையாமல் இருப்பது.
"திருமணப் பந்தத்தில் ஒருவர் அன்பளிப்பாகவோ பரம்பரைச் சொத்தையோ பெற்று அதை குடும்பச் சொத்துப் பட்டியலில் சேர்க்கும்போது நீதிமன்றம் அந்த எண்ணத்தை ஏற்றுக்கொள்ளும் விதமாக செயல்படுவது மாதர் சாசன சட்டத்திற்கு புறம்பானது அல்ல. இந்த வழக்கில் கணவர் தனது பரம்பரைச் சொத்தை குடும்பச் சொத்தாகக் கருதியிருக் கிறார் என்பது தெளிவாகத் தெரி கிறது," என்றது நீதிமன்றம்.