பிரதமர் லீ சீனாவிற்கு அதிகாரபூர்வ பயணம்

பிர­த­மர் லீ சியன் லூங் ஒரு வார அதி­கா­ர­பூர்­வ பய­ணம் மேற்­கொண்டு இன்று சீனா செல்­கிறார். வரும் சனிக்­கி­ழமை வரை அவர் அங்கு பல்­வேறு நிகழ்ச்­சி­களில் கலந்­து­கொள்­கி­றார்.

கொவிட்-19 கிரு­மிப் பர­வ­லுக்­குப் பிறகு அவர் சீனா செல்­வது இதுவே முதல்­முறை.

தமது சீனப் பய­ணத்­தின்­போது சீன அதி­பர் ஸி ஜின்­பிங், சீனப் பிர­த­மர் லி சியாங் உள்­ளிட்ட தலை­வர்­களை அவர் சந்­தித்­துப் பேசு­வார்.

சீனப் பிர­த­மர் லியின் அழைப்பை ஏற்­றுச் செல்­லும் சிங்­கப்­பூர் பிர­த­மர், குவாங்ஸோ, போவாவ், பெய்­ஜிங் ஆகிய இடங்­க­ளுக்­குச் செல்­வார்.

ஆண்­டுக்­கொ­ரு­முறை நடை­பெ­றும் போவாவ் ஆசி­யக் கருத்­த­ரங்­கில் திரு லீ உரை­யாற்­று­வார்.

வெளி­நாட்­டுத் தலை­வர்­கள், அர­சாங்க அதி­கா­ரி­கள், வர்த்­த­கத் தலை­வர்­கள், கல்­வி­மான்­கள் ஆகி­யோர் இக்­க­ருத்­த­ரங்­கில் கலந்­து­கொள்­வர்.

பெய்­ஜிங்கில் பிர­த­மர் லீக்கு வர­வேற்பு நிகழ்ச்­சிக்­கும் விருந்­திற்­கும் ஏற்­பாடு செய்­யப்­பட்­டுள்­ள­தாக சிங்­கப்­பூர்ப் பிர­த­மர் அலு­வ­ல­கம் தெரி­வித்­தது.

ஹைனான், குவோங்­டாங் ஆகிய வட்­டா­ரங்­களில் பல்­வேறு அர­சி­யல் தலை­வர்­க­ளைத் திரு லீ சந்­தித்­துப் பேசு­வார் எனக் கூறப்­பட்­டது.

குவோங்­டாங்­கில் வசிக்­கும் சிங்­கப்­பூ­ரர்­க­ளை­யும் அவர் சந்­திப்­பார்.

பிர­த­ம­ரு­டன் அவ­ரின் துணை­வி­யார், வெளி­யு­றவு அமைச்­சர் டாக்­டர் விவி­யன் பால­கி­ருஷ்­ணன், வர்த்­தக, தொழில் அமைச்­சர் கான் கிம் யோங், சுகா­தார அமைச்சர் ஓங் யி காங், வெளி­யு­றவு, தேசிய வளர்ச்சி மூத்த துணை­ய­மைச்­சர் சிம் ஆன், சுகா­தா­ரம், சட்­டம் ஆகிய துறை­க­ளுக்­கான மூத்த நாடா­ளு­மன்­றச் செய­லா­ளர் ரஹாயூ மஹ்­ஸாம், பிர­த­மர் அலு­வ­லக அதி­கா­ரி­கள், வெளி­யு­றவு, வர்த்­தக, தொழில் அமைச்­சு­க­ளின் அதி­கா­ரி­கள் உள்­ளிட்­டோர் செல்­கின்­ற­னர்.

பிர­த­ம­ரின் சீனப் பய­ணத்­தின்­போது, இன்­றும் நாளை­யும் துணைப் பிர­த­மர் லாரன்ஸ் வோங் தற்­கா­லி­கப் பிர­த­ம­ரா­கப் பொறுப்­பேற்­றி­ருப்­பார்.

புதன்­கி­ழமை முதல் சனிக்­கிழமை வரை மூத்த அமைச்­சர் டியோ சீ ஹியன் தற்­கா­லி­கப் பிர­த­ம­ரா­கப் பொறுப்­பேற்­பார்.