சிங்கப்பூரில் மொத்தம் 159 ஃபேர்பிரைஸ் பேரங்காடிகள் உள்ளன.
அவற்றில் சீனப் புத்தாண்டு முதல் நாளன்று (பிப்ரவரி 10) 144 பேரங்காடிகள் திறந்திருக்கும்.
42 ஃபேர்பிரைஸ் பேரங்காடிகள் 24 மணி நேரத்துக்கு இயங்கும் என்று தெரிவிக்கப்பட்டுள்ளது.
வழக்கமாக 24 மணி நேரத்துக்கு 34 ஃபேர்பிரைஸ் பேரங்காடிகள் திறந்திருக்கும்.
சீனப் புத்தாண்டின்போது கூடுதல் ஃபேர்பிரைஸ் பேரங்காடிகள் திறக்கப்படுவதால் பண்டிகைக்குத் தேவையான பொருள்களை வாங்க விரையத் தேவையில்லை என்றும் ஒரே நேரத்தில் பல பொருள்களை வாங்கிக் குவிக்கத் தேவையில்லை என்றும் ஃபேர்பிரைஸ் தெரிவித்தது.
சீனப் புத்தாண்டுக்கு முந்தைய தினத்தன்று (பிப்ரவரி 9) 35 ஃபேர்பிரைஸ் பேரங்காடிகள் 24 மணி நேரத்துக்குத் திறந்திருக்கும்.
மீதமுள்ள ஃபேர்பிரைஸ் பேரங்காடிகள் மாலை 5 மணி வரை இயங்கும்.
பிப்ரவரி 8ஆம் தேதியன்று 69 ஃபேர்பிரைஸ் பேரங்காடிகள் 24 மணி நேரத்துக்கு இயங்கும்.
ஜனவரி 26ஆம் தேதியிலிருந்து 30க்கும் மேற்பட்ட ஃபேர்பிரைஸ் பேரங்காடிகள் திறந்திருக்கும் நேரம் படிப்படியாக நீட்டிக்கப்படும்.
உதாரணத்துக்கு, ஜனவரி 26லிருந்து பிப்ரவரி 8 வரை தெம்பனிஸ் மால் கடைத்தொகுதி, டௌன்டவுன் ஈஸ்ட் கடைத்தொகுதியில் உள்ள ஃபேர்பிரைஸ் பேரங்காடிகள் இரவு 11 மணிக்குப் பதிலாக நள்ளிரவு 12 மணிக்கு மூடப்படும்.
சீனப் புத்தாண்டின் இரண்டாவது நாளிலிருந்து (பிப்ரவரி 12) ஃபேர்பிரைஸ் பேரங்காடிகள் திறந்திருக்கும் நேரம் வழக்கநிலைக்குத் திரும்பும்.
கூடுதல் விவரங்களுக்கு ஃபேர்பிரைஸ் இணையப்பக்கத்தை நாடலாம்.