சட்டவிரோதமாகச் சிங்கப்பூர் கடல்பகுதிக்குள் நுழைந்த மூன்று மலேசியர்கள் கைது

https://www.straitstimes.com/singapore/three-malaysians-arrested-for-entering-singapores-waters-illegally

சிறு படகுமூலம் சட்டவிரோதமாகச் சிங்கப்பூர் கடல்பகுதிக்குள் நுழைந்த மூன்று மலேசியர்களைக் கடலோரக் காவற்படை அதிகாரிகள் கைது செய்தனர்.

கைது செய்யப்பட்ட மூவரும் வெள்ளிக்கிழமை (ஏப்ரல் 18) பின்னிரவு 2.05 மணிவாக்கில் சிங்கப்பூரின் வட-மேற்கு கடல்பகுதியில் உள்ள புலாவ் சரிம்பன் தீவு அருகே நுழைந்ததாக அதிகாரிகள் தெரிவித்தனர்.

சிறு படகு ஒன்றில் வந்த மூவரையும் கண்ட கடலோரக் காவற்படை அதிகாரிகள் உடனடியாக அவர்களை நோக்கிச் சென்றனர். அதிகாரிகள் வருவதைக் கண்ட அம்மூவரும் மலேசியா நோக்கிப் படகை வேகமாகச் செலுத்தினர்.

அதிகாரிகளிடமிருந்து தப்பிக்க ஆபத்தான முறையில் அவர்கள் படகைச் செலுத்தினர். இரண்டு முறை கடலோரக் காவற்படையின் கப்பலிலும் அப்படகு இடித்தது.

படகை வேகமாகச் செலுத்தியபோது இரண்டு மலேசியர்கள் கீழே விழுந்தனர். இருப்பினும் அவர்கள் மீண்டும் படகில் ஏறினர்.

சட்டவிரோதமாக நுழைந்தவர்களைப் பிடிக்கும்போது அதிகாரி ஒருவருக்குச் சிறு காயம் ஏற்பட்டதாகத் தெரிவிக்கப்பட்டது.

கைது செய்யப்பட்டவர்களின் வயது 28க்கும் 47க்கு இடைப்பட்டது என்று தெரிவிக்கப்பட்டது.

இவையும் உங்களுக்குப் பிடிக்கலாம்

அனைத்துவகைச் செய்திகளும் ஒரே இடத்தில்.

சிங்கப்பூரில் செயல்பட்ட மோசடிக் கும்பலுக்குக் காரணம் எனச் சந்தேகிக்கப்படும் மலேசியர் கைது

23 Sep 2026 - 9:59 AM

ஈஸ்டர் தாக்குதல்: 15 பேருக்கு இலங்கை நீதிமன்றம் 220 ஆண்டுகள் சிறைத்தண்டனை

23 Sep 2026 - 10:21 AM

மக்கள்மீதான தாக்கத்தின் அடிப்படையில் ‘ஏஐ’ புத்தாக்கம் மதிப்பிடப்பட வேண்டும்: டியோ

22 Sep 2026 - 6:38 PM

இடைத்தேர்தல்: தபால் வாக்கு சேகரிக்கும் பணி தொடங்கியது

22 Sep 2026 - 7:28 PM

கைது செய்யப்பட்டவர்களில் 28 வயது படகு ஓட்டுநர்மீது ஆபத்தான முறையில் படகை ஓட்டியது, அதிகாரிகளின் உத்தரவை மீறியது எனக் கூடுதல் விசாரணை நடத்தப்பட்டு வருகிறது.