மாணவர் முரசு
இ-பேப்பர்
லண்டன்: கடந்த இங்கிலிஷ் பிரிமியர் லீக் காற்பந்துப் பருவத்தை மிக மோசமாக விளையாடிய டாட்டன்ஹம் ஹாட்ஸ்பர் குழு புதிய பருவத்தின் முதல் ஆட்டத்தில் படுதோல்வியடைந்துள்ளது.
சிங்கப்பூர் நேரப்படி சனிக்கிழமை (ஆகஸ்ட் 22) நள்ளிரவுக்குப் பிறகு நடைபெற்ற ஆட்டத்தில் பிரென்ட்ஃபர்ட், ஸ்பர்சை 3-0 எனும் கோல் கணக்கில் வென்றது. சென்ற பருவத்துக்குப் பிறகு குழுவை மேம்படுத்த புதிய விளையாட்டாளர்களை வாங்க அதிகம் செலவு செய்த ஸ்பர்சுக்கு இத்தோல்வி பின்னடைவாக அமைந்தது.
கெவின் லூயிஸ் போட்டர், விட்டாலி ஜெனெல்ட், மைக்கல் காயோடே ஆகியோர் பிரென்ட்ஃபர்டின் கோல்களைப் போட்டனர்.
இப்சுவிச் டவுன் வெற்றி
இந்த ஆட்டத்துக்கு முன்பு நடைபெற்ற பிரிமியர் லீக் ஆட்டங்களில் ஒன்றில், சேம்பியன்ஷிப் லீக்கிலிருந்து பிரிமியர் லீக்குக்கு முன்னேறியிருக்கும் இப்சுவிச் டவுன், சென்ற பருவத்தில் எதிர்பார்ப்புகளை விஞ்சிய சண்டர்லண்டை 2-1 எனும் கோல் கணக்கில் வென்று அசத்தியது.
ஆட்டத்தில் முதலில் இப்சுவிச் முன்னுக்குச் சென்றது. அதற்குப் பிறகு சண்டர்லண்ட் கோல் எண்ணிக்கையைச் சமப்படுத்தியது.
ஆட்டம் முடிய சில நிமிடங்கள் எஞ்சியிருந்த வேளையில் இப்சுவிச் வெற்றி கோலைப் போட்டது.
நொட்டிங்கம் ஃபாரஸ்ட் 0-1 லீட்ஸ் யுனைடெட்
மற்றோர் ஆட்டத்தில் நொட்டிங்கம் ஃபாரஸ்ட்டை1-0 எனும் கோல் கணக்கில் வென்றது லீட்ஸ் யுனெடெட். ஆட்டத்தின் ஒரே கோல் 88வது நிமிடத்தில் விழுந்தது.
எவர்ட்டனுக்கு வெற்றி
கிறிஸ்டல் பேலசை 2-0 எனும் கணக்கில் வென்றது எவர்ட்டன்.
முதல் கோல் ஆட்டத்தின் முற்பாதி நிறைவடைய சில நிமிடங்களில் விழுந்தது. பிற்பாதியாட்டம் தொடங்கி எட்டு நிமிடங்களில் இரண்டாவது கோல் விழுந்தது.
யுனைடெட் அதிர்ச்சித் தோல்வி
சிங்கப்பூர் நேரப்படி சனிக்கிழமை மாலை நடைபெற்ற ஆட்டத்தில் எதிர்பாரா விதமாக மான்செஸ்டர் யுனைடெட்டை வென்றது ஹல் சிட்டி.
சேம்பியன்ஷிப் லீக்கிலிருந்து பிரிமியர் லீக்குக்கு முன்னேறியுள்ள ஹல்லின் இரு கோல்களும் முற்பாதியாட்டத்தில் விழுந்தன. இந்தத் தோல்வியைத் தொடர்ந்து இப்பருவமும் யுனைடெட் எதிர்பார்ப்புகளைப் பூர்த்திசெய்யாமல் போகக்கூடும் என்ற அச்சம் தலைதூக்கியுள்ளது.
