நிலையை வலுப்படுத்திய செல்சி; சிக்கலில் லீட்ஸ்

லீட்ஸ்: அடுத்த பருவ ஐரோப்­பிய சாம்­பி­யன்ஸ் லீக் காற்­பந்­துப் போட்டி­களில் விளை­யா­டும் வாய்ப்பை செல்சி குழு கிட்­டத்­தட்ட உறு­தி­செய்­துள்­ளது.

லீட்ஸ் யுனை­டெட் குழு­விற்­கு எ­தி­ராக நேற்று முன்­தி­னம் இரவு நடந்த இங்­கி­லிஷ் பிரி­மி­யர் லீக் காற்­பந்­துப் போட்­டி­யில் செல்சி 3-0 என்ற கோல் கணக்­கில் வெற்றி பெற்­றது.

லீட்ஸ் குழு­வின் எலாண்ட் ரோடு விளை­யாட்­ட­ரங்­கில் நடந்த இந்த ஆட்­டத்­தின் 4வது நிமி­டத்­தி­லேயே செல்­சி­யின் கோல் கணக்­கைத் தொடங்­கி­வைத்­தார் பிரிட்­டிஷ் வீர­ரான மேசன் மவுன்ட். ஆட்­டத்­தின் 24வது நிமி­டத்­தில் டேனி­யல் ஜேம்ஸ் சிவப்பு அட்டை பெற்று வெளி­யே­றி­யது லீட்ஸ் குழு­விற்கு மேலும் சிக்­கலை ஏற்­ப­டுத்­தி­யது.

பிற்­பாதி ஆட்­டத்­தில் கிறிஸ்­டி­யன் புலி­சிச் 60வது நிமி­டத்­தி­லும் ரொமேலு லுக்­காகு 83வது நிமி­டத்­தி­லும் கோல­டித்­த­னர். கடந்த நான்கு ஆட்­டங்­களில் செல்­சிக்­குக் கிட்­டிய முதல் வெற்றி இது.

இப்­போது 70 புள்­ளி­க­ளு­டன் செல்சி பட்­டி­ய­லின் மூன்­றா­மி­டத்­தில் உள்­ளது. ஆர்­ச­னல் 66 புள்ளி­களு­டன் நான்­கா­மி­டத்­தி­லும் அதை­விட நான்கு புள்­ளி­கள் குறை­வா­கப் பெற்று டோட்­டன்­ஹம் ஹாட்ஸ்­பர் ஐந்­தாம் இடத்­தி­லும் உள்­ளன (இன்று அதி­காலை இவ்­விரு குழுக்­களும் மோதிய ஆட்­டத்­திற்கு முந்­திய நில­வ­ரம்).

இத­னி­டையே, செல்­சி­யி­டம் தோற்­ற­தால் 18ஆம் இடத்­திற்­குத் தள்­ளப்­பட்ட லீட்ஸ் யுனை­டெட், அடுத்த பருவ பிரி­மி­யர் லீக்­கில் நீடிப்­பது கேள்­விக்­கு­றி­யா­கி­யுள்­ளது.

"முக்­கிய ஆட்­டங்­களில் எல்­லாம் அதே தவ­று­களை மீண்­டும் மீண்­டும் செய்­கி­றோம்," என்று ஆதங்­கப்­பட்­டார் லீட்ஸ் நிர்­வாகி ஜெஸி மார்ஸ்.

ஏற்­கெ­னவே அடுத்த பருவ பிரி­மி­யர் லீக்­கில் விளை­யாட முடி­யாத நிலைக்­குத் தள்­ளப்­பட்­டு­விட்ட வாட்­ஃபர்ட் குழு­வு­டன் 0-0 எனச் சம­நிலை கண்ட எவர்ட்­டன் குழு, லீட்ஸ் குழுவைவிட இரண்டு புள்ளி­கள் அதி­கம் பெற்று 16ஆம் இடத்­தில் இருக்கிறது.

ஜேமி வார்டி இரு கோல்­க­ளை­யும் ஜேம்ஸ் மேடி­சன் ஒரு கோலை­யும் அடிக்க, லெஸ்­டர் சிட்டி 3-0 என்ற கணக்­கில் 20வது இடத்­தி­ல் உள்ள நார்­விச் சிட்­டி­யை வென்றது.