மாணவர் முரசு
இ-பேப்பர்
நியூயார்க்: கத்தாரில் நடந்த 2022 உலகக் கிண்ணக் காற்பந்து போட்டியில் லயனல் மெஸ்ஸி தலைமையிலான அர்ஜென்டினா அணி வாகை சூடியது.
போட்டியின்போது மெஸ்ஸி அணிந்திருந்த அர்ஜெண்டினா அணியின் 6 சட்டைகள் நியூயார்க்கில் வியாழக்கிழமை ஏலத்திற்கு விடப்பட்டன.
அந்த 6 சட்டைகளும் 7.8 மில்லியன் வெள்ளிக்கு விலைபோனதாக ஏல நிறுவனமான சோத்பி’ஸ் தெரிவித்தது.
இந்த ஆண்டில் விளையாட்டு வீரருக்கு தொடர்புடைய ஒரு பொருள் இவ்வளவு பெரிய தொகைக்கு விலைபோனது இதுவே முதல்முறை என்றும் சோத்பி’ஸ் குறிப்பிட்டது.
ஏலம் போன 6 சட்டைகளில் ஒன்று பிரான்சுக்கு எதிரான இறுதியாட்டத்தில் மெஸ்ஸி அணிந்திருந்த சட்டைகளில் ஒன்று என்றும் தெரிவிக்கப்பட்டது.
கடந்த ஆண்டு, கூடைப்பந்து ஜாம்பவான் மைக்கல் ஜோர்டன், 1998 ஆம் ஆண்டு நடந்த ‘என்பிஏ’ போட்டியின் இறுதியாட்டத்தில் அணிந்திருந்த சட்டை 10.1 மில்லியனுக்கு ஏலம்போனது.
