ரோம்: இத்தாலி காற்பந்து லீக்கில் பலம் வாய்ந்த குழுக்களில் ஒன்றான யுவென்டஸ், ஞாயிற்றுக்கிழமை (ஜனவரி 21) நடைபெற்ற ஆட்டம் ஒன்றில் லெச்ச குழுவை 3-0 என்ற கோல் கணக்கில் தோற்கடித்து மூன்று புள்ளிகள் பெற்று, லீக் பட்டியலில் முதல் இடத்துக்குத் தாவியுள்ளது.
ஆட்டத்தின் 59வது நிமிடத்தில் யுவென்டஸ் குழுவின் டுசான் விலாஹோவிச் தனது அணியின் முதல் கோலைப் போட்டார். பின்னர் ஒன்பது நிமிடம் கழித்து டுசான் மற்றொரு கோல் போட்டு கோல் எண்ணிக்கையை 2-0 என்று உயர்த்தினார்.
ஆட்டம் முடிய ஐந்து நிமிடங்கள் இருந்த வேளையில் அக்குழுவின் கிளேசன் பெரமர் மூன்றாவது கோலைப் போட்டார். இந்த வெற்றியின் மூலம் யுவென்டஸ் 52 புள்ளிகளுடன் பட்டியலில் முதல் இடத்தில் உள்ளது. அடுத்த நிலையில் 51 புள்ளிகளுடன் இன்டர் மிலான் உள்ளது.