மாணவர் முரசு
இ-பேப்பர்
லண்டன்: சாம்பியன்ஸ் லீக் காற்பந்து போட்டியின் காலிறுதி சுற்றுக்கு ஜெர்மனியின் பயர்ன் மியூனிக் குழுவும் பிரான்சின் பிஎஸ்ஜி குழுவும் முன்னேறியுள்ளன.
செவ்வாய்க்கிழமை நள்ளிரவுக்குப் பின் நடந்த ஆட்டத்தில் பயர்ன் மியூனிக் குழு இத்தாலியின் லாசியோ அணியை 3-0 என்ற கோல் கணக்கில் வெற்றி பெற்றது.
சிறப்பாக விளையாடிய ஹேரி கேன் 39, 66 நிமிடங்களில் கோல் அடித்தார். தாமஸ் மியூல்லர் 45வது நிமிடத்த்ல் கோல் அடித்து வெற்றியை உறுதிசெய்தார்.
நள்ளிரவுக்குப் பின் நடந்த மற்றோர் ஆட்டத்தில் ரியால் சோசிடாட் குழுவை 2-1 என்ற கோல் கணக்கில் பிஎஸ்ஜி வீழ்த்தியது.
பரபரப்பாகச் சென்ற இந்த ஆட்டத்தில் பிஎஸ்ஜியின் கிலியன் எம்பாப்பே 15, 56வது நிமிடங்களில் கோல் அடித்தார். கடைசி வரை போராடிய சோசிடாட் அணி ஆட்டத்தின் 89வது நிமிடத்தில் அதன் முதல் கோலை அடித்தது.
கடைசி நிமிடங்களில் மேலும் எந்த தவறுகளும் நடக்காமல் இருக்க பிஎஸ்ஜி கவனமாக விளையாடி ஆட்டத்தை தன் வசப்படுத்தியது.
