வரவுகளை மிஞ்சிய செலவு; தமிழக அரசின் கடன் சுமை மேலும் அதிகரிப்பு

கோப்புப் படம்: தினமணி

20 Sep 2026 - 8:49 pm

2 mins read

சென்னை: நடப்பு நிதியாண்டின் முதல் ஐந்து மாதங்களில் (ஏப்ரல் முதல் ஆகஸ்ட் வரை) தமிழகத்தின் மொத்த வருவாயைவிடச் செலவினங்கள் அதிகரித்துள்ளது.

இதன் எதிரொலியாக, அரசுக்கு ரூ.20,349 கோடி நிதிப்பற்றாக்குறை ஏற்பட்டுள்ளதாகக் கணக்கிடப்பட்டுள்ளது.

குறிப்பிட்ட அந்த ஐந்து மாதங்களில், மாநிலத்தின் மொத்த வருவாய் ரூ. 1,17,791 கோடியாகப் பதிவான நிலையில், ஜிஎஸ்டி மூலம் ரூ.34,144.06 கோடியும் வணிக வரி மூலம் ரூ.28,164.79 கோடியும் மத்திய அரசு அளித்துள்ள வரிப் பங்கு மூலம் ரூ.24,188 கோடியும் கிடைத்துள்ளது.

மேலும், முத்திரைத்தாள், பத்திரப்பதிவு மூலம் ரூ.10,493.30 கோடி பெற்றுள்ள தமிழக அரசுக்கு, இதர வரிகள், தீர்வைகள் மூலம் ரூ.6,843 கோடி கிடைத்துள்ளதாகத் தெரியவந்துள்ளது.

இந்நிலையில், கடன்களுக்கான வட்டி உள்ளிட்ட மொத்த செலவினங்கள் ரூ.1,38,140 கோடி எனக் கணக்கிடப்பட்டுள்ளது.

இதே காலகட்டத்தில் பழைய கடன்களுக்கான வட்டியாக ரூ. 25,991 கோடியும் ஓய்வூதியத் தொகையாக ரூ. 21,008 கோடியும் செலுத்தப்பட்டுள்ளன.

அரசு ஊழியர்களின் ஊதியம், நலத்திட்டங்களுக்கான மானியங்கள், வளர்ச்சிப் பணிகளுக்கான செலவுகள் அதிகரித்துள்ளதால், வருவாயை விடச் செலவு அதிகரித்துள்ளது.

இந்த நிதிப் பற்றாக்குறையை ஈடுகட்டவும் செலவினங்களைச் சமாளிக்கவும், கடந்த 5 மாதங்களில் மட்டும் தமிழ்நாடு அரசு ரூ. 30,021 கோடி கடன் திரட்டியுள்ளது குறிப்பிடத்தக்கது.

இவையும் உங்களுக்குப் பிடிக்கலாம்

அனைத்துவகைச் செய்திகளும் ஒரே இடத்தில்.

ஸ்ரீ வீரமாகாளியம்மன் கோவில் குடமுழக்கு 2027ஆம் ஆண்டு ஏப்ரல் 11ஆம் தேதி நடைபெறவுள்ளது.

ஸ்ரீ வீரமாகாளியம்மன் கோவில் குடமுழக்கு: 2027 ஏப்ரல் 11

20 Sep 2026 - 7:49 PM

ஜூ சியாட் ரோட்டில் கடந்த வாரம் ஒன்றாகப் படம் எடுத்துக்கொண்ட சில கடைக்காரர்கள்.

வாகனமற்ற நாளில் வர்த்தக ஊக்குவிப்பு: ஜூ சியாட் கடைக்காரர்கள் முயற்சி

20 Sep 2026 - 1:14 PM

தமிழகத்தை 2036ஆம் ஆண்டுக்குள் 1.5 டிரில்லியன் டாலர் பொருளியலாக மாற்றுவதை இலக்காகக் கொண்டு தமிழக அரசு தீவிரமாகச் செயல்பட்டு வருகிறது.

சுவிட்சர்லாந்து செல்லும் விஜய்: உலகப் பொருளியல் மன்றக் கூட்டத்தில் பங்கேற்பு

20 Sep 2026 - 2:57 PM

நஜிப் சிறையிலிருந்து வீட்டுக் காவலுக்கு மாற்றப்படும் பட்சத்தில், அதற்கான பாதுகாப்பு ஏற்பாடுகளை எளிதாக்கும் வகையில், மலேசியத் தலைநகர் கோலாலம்பூரில் உள்ள ஜாலான் லங்காக் டூத்தாவில் அமைந்துள்ள அவரது வீட்டிற்கு அருகே திங்கட்கிழமை (செப்டம்பர் 21) முதல் தற்காலிகக் காவல் நிலையம் அமைக்கப்படவுள்ளது.

அபராதம் செலுத்த முடியவில்லை; சிறையில் தொடரும் நஜிப்

20 Sep 2026 - 4:29 PM

கடந்த ஆட்சிக் காலத்தில் திமுக அரசு தேவையின்றி அதிக அளவு கடன் வாங்கிச் செலவிட்டதால் மாநில அரசின் கடன் சுமை கடுமையாக அதிகரித்ததாக எதிர்க்கட்சிகள் குற்றஞ்சாட்டி இருந்தன.

தற்போது தவெக தலைமையிலான அரசும் வளர்ச்சிப் பணிகள் உள்ளிட்ட பல்வேறு திட்டங்களுக்காக கடன்களைப் பெறத் தொடங்கியுள்ளது.

இந்நிலையில், தமிழக அரசின் கடன் சுமை மேலும் ரூ.30 ஆயிரம் கோடி அதிகரித்திருப்பதாக வெளியான தகவல் பேசுபொருளாகி உள்ளது.

இச்செய்தியைப் பகிரவும்

குறிப்புச் சொற்கள்

வரிஜிஎஸ்டிவருவாய்செலவுபத்திரப்பதிவுமுத்திரை வரிகடன்வட்டி