பொறியாளர்களுக்கு விருது வழங்கிச் சிறப்பித்த இந்து தமிழ் திசை

சென்னை: ராம்கோ சூப்​பர்​கிரீட் சிமென்ட் வழங்​கும் ‘இந்து தமிழ் திசை’ - ‘சீர்​மிகு பொறி​யாளர் விருது’ வழங்​கும் விழா சென்னை​யில் நடைபெற்​றது.

கட்டு​மானத்​தி​லும், கட்டமைப்​பிலும் தனித்து​வத்​துட​ன் செயலாற்றி வரும் பொறி​யாளர்​களைச் சிறப்பிக்கும் வகையில் ராம்கோ சூப்​பர்​கிரீட் சிமென்ட் வழங்​கும் ‘இந்து தமிழ் திசை’ - ‘சீர்​மிகு பொறி​யாளர் விருது’, ‘வளர்​மிகு பொறி​யாளர் விருது’, ‘திறன்​மிகு பொறி​யாளர் விருது - 2024’ வழங்​கும் விழா சென்னை தி.நகரில் உள்ள வாணி மகாலில் நடைபெற்றது.

ரினா​கான் ஏ.ஏ.சி. ப்ளாக்ஸ், டாக்டர் எம்ஜிஆர் கல்வி மற்றும் ஆராய்ச்சி நிறுவனப் பல்கலைக்​கழகம் ஆகியவை இணைந்து விருதுகளை வழங்​கின. 19 பேருக்குச் சீர்​மிகு பொறி​யாளர் விருது, 7 பேருக்கு திறன்​மிகு பொறி​யாளர் விருது, 36 பேருக்கு வளர்​மிகு பொறி​யாளர் விருது என மொத்தம் 62 பேருக்கு விருதுகள் வழங்​கப்​பட்டன.

‘இந்து தமிழ் திசை’ ஆசிரியர் கே.அசோகன் வரவேற்றுப் பேசும்​போது, ‘‘இந்து தமிழ் திசை சார்​பில் சிறந்த ஆசிரியர்​களுக்கு அன்பாசிரியர் விருது, அறிவியலில் சிறந்து விளங்​கும் குழந்தை​களுக்கு நாளைய விஞ்​ஞானி விருது, சிறந்து விளங்கும் பொறியாளர்களுக்கு சீர்மிகு பொறியாளர் விருது எனப் பலதரப்பட்ட துறைகளைச் சேர்ந்தோர் விருது வழங்கிச் சிறப்பிக்கப்படுகின்றனர்.

இயற்கைப் பேரிடர்களையும் தாங்கி நிற்கும் உறுதியான கட்டுமானங்களை உருவாக்க புதிய கண்டுபிடிப்புகள் உருவாக்கப்பட வேண்டும் என்று திரு அசோகன் வலியுறுத்தினார்.