கவிழ்ந்த கனரக வாகனம்; போக்குவரத்து விளக்கு சேதம்

ஜூரோங் வட்டாரத்தில் உள்ள ஒரு சாலையில் கனரக வாகனம் ஒன்று நேற்று காலை கவிழ்ந்தது. இதன் விளைவாக அருகில் இருந்த போக்குவரத்து விளக்கு சேதமடைந்தது. சாலையில் இடிபாடுகள் சிதறிக் கிடந்தன. இந்த விபத்து ஜாலான் புரோவில் காலை 8.40 மணிக்கு நிகழ்ந்ததாக ஸ்ட்ரெய்ட்ஸ் டைம்ஸ் நாளிதழிடம் போலிசார் தெரிவித்தனர். இந்த விபத்தில் யாரும் காயமடையவில்லை. விபத்து நிகழ்ந்ததற்கான காரணத்தைக் கண்டறிய விசாரணை நடத்தப் படுகிறது. சாலைக்குள் கனரக வாகனம் வளைந்துகொண்டிருந்தபோது அது கவிழ்ந்ததாக அறியப் படுகிறது.

ஜூரோங் வட்டாரத்தில் கவிழ்ந்து கிடந்த கனரக வாகனம். படம்: ஸ்ட்ரெய்ட்ஸ் டைம்ஸ்