போதைப்பொருள் குற்றங்கள் தொடர்பில் சிங்கப்பூருடன் மலேசியா கலந்துரையாடல்

போதைப்பொருள் புழக்கத்திற்கு அடிமையாவதைக் குற்றமற்ற­தாக்கு­வது  உட்பட பல்வேறு விவகாரங்கள் குறித்து சிங்கப்­பூரும் மலேசியாவும் கலந்தாலோ­சித்துள்ளன. இரு நாடுகளும் தங்களின் அனுபவங்களைப் பகிர்ந்து­கொண்டு பாதுகாப்பு விவகா­ரங்கள் தொடர்பில் எதிர்­கால ஒத்துழைப்பு பற்றி பேசிய­தாக மலேசிய உள்துறை அமைச்சர் முஹைதீன் யாசின் நேற்று கூறினார்.

“போதைப்பொருள் புழக்க விவகாரத்தில் இனி நாங்கள் செயல்படவேண்டிய விதம் குறித்து தெரிந்துகொள்ள விருப்பப்பட்டோம். போதைப்­பொருள் உட்கொண்டு சிறைக்கு செல்பவர்கள் அனை­வருமே குற்றவாளிகள் அல்ல என்பதே எங்களுடைய தற்போ­தைய நிலைப்பாடு,” என்றார் திரு முஹைதீன்.

சிங்கப்பூர் சட்ட, உள்துறை அமைச்சர் கா.சண்முகத்தை சந்தித்துப் பேச்சுவார்த்தை நடத்­திய பிறகு மலேசிய நாடாளுமன்ற வளாகத்தில் செய்தி­யாளர்களிடம் திரு முஹைதீன் இவ்வாறு கூறினார்.

போதைப்பொருளுக்கு அடிமை­யா­வதையும் சொந்த பயன்­ பாட்டுக்கு போதைப்பொருள் வைத்திருப்பதையும் குற்றமற்ற­தாக்கும் பரிந்துரை அமைச்சர்நிலை அளவில் இன்னும் விவாதிக்கப்­படுவதாகக் கூறப்பட்டது.

இருப்பினும், போதைப்பொருள் தொடர்பான கடுமையான குற்றங்­கள் என வரும்போது ஏற்கெனவே நடப்பில் உள்ள தண்டனையை அரசாங்கம் தொடர்ந்து விதிக்கும் என்று திரு முஹைதீன் தெரி­ வித்தார்.

“சிகிச்சைக்காக அவர்கள் அதைப் பயன்படுத்தினால் நாங்கள் அவர்களுக்கு உதவு­வோம். ஆனால் கடுமையான குற்றங்களுக்கு நீதிமன்றம் விதிக்கும் தண்டனையை நாங்கள் தொடர்ந்து கடைப்பிடிப்போம்,” என்றார் அவர்.

இரு நாட்டு உள்துறை அமைச்­சர்கள் சந்திப்பின்போது, கட்டாய மரண தண்டனையைப் பொறுத்த­வரை மலேசியாவின் நிலைப்பாட்டை வெளிப்படுத்தியதாக திரு முஹைதீன் கூறினார்.

எல்லைப் பாதுகாப்பு குறித்தும் இரு அமைச்சர்கள் கலந்தாலோ­ சித்தனர்.

“பலதரப்பட்ட விவகாரங்களைத் தீர்க்க எங்களது நாட்டு எல்லையில் பாதுகாப்புப் படையை அமைப்பது குறித்த தேவையை நான் தனிப்பட்ட முறையில் முன்வைத்­தேன்,” என்றார் திரு முஹைதீன்.

 

இப்பகுதியில் மேலும் செய்திகள்

இரவு உணவுக்காக அறையில் இருந்த குடும்பத்திற்கு அழைப்பு விடுக்கக் கதவைத் தட்டிய நண்பர், மூவரும் நினைவிழந்த நிலையில் கிடப்பதைக் கண்டார். படங்கள்: ஷின் மின் நாளிதழ், பேங்காக் போஸ்ட்

13 Dec 2019

தாய்லாந்து விடுதியில் எரிவாயு கசிவு: நினைவிழந்த நிலையில் கிடந்த சிங்கப்பூர் குடும்பம்

இவ்வாண்டின் 11 மாதங்களில் 48 சம்பவங்களில் பாதி உள்ளிருந்து வெளியே தள்ளித் திறக்கப்படும் சன்னல்கள் தொடர்பானவை என்று தெரிவித்த இவ்விரு அமைப்புகள், இதற்கு முக்கிய காரணம் அவற்றின் துருபிடித்த ஆணிகளே என்பதையும் சுட்டின. கோப்புப்படம்: ஸ்ட்ரெய்ட்ஸ் டைம்ஸ்

12 Dec 2019

பராமரிப்பு குறைபாட்டால் சன்னல் விழுந்தால் வீட்டு உரிமையாளருக்கு சிறை

காசோலைகள் எங்கிருந்து வந்தன, எப்படி வந்தன என்பது பற்றியும் இந்த இந்த மோசடி பற்றியும் நாதனுக்கு எதுவும் தெரியாது என நீதிமன்ற ஆவணங்கள் குறிப்பிட்டன. படம்: ஸ்ட்ரெய்ட்ஸ் டைம்ஸ்

12 Dec 2019

‘ஸ்கில்ஸ்ஃபியூச்சர்’ மோசடியில் உதவிய மலேசிய இந்தியருக்கு 39 மாத சிறை