மாணவர் முரசு
இ-பேப்பர்
சிங்கப்பூரில் பிறந்த குழந்தைகளின் எண்ணிக்கை எட்டு ஆண்டுகளில் இல்லாத அளவுக்குக் கடந்த ஆண்டு குறைந்துள்ளது. மூப்படையும் சமுதாயத்தைக் கொண்டுள்ள சிங்கப்பூருக்கு இது மேலும் சவாலாக உள்ளது.
கடந்தாண்டில் 39,039 குழந்தைகள் பிறந்ததாக பிறப்பு, இறப்பு அறிக்கை குறிப்பிடுகிறது. இது, 2017ன் எண்ணிக்கையைக் காட்டிலும் 1.5 விழுக்காடு குறைவு. அதே வேளையில் உயிரிழந்த குழந்தைகளின் எண்ணிக்கை 1.8 விழுக்காடு அதிகரித்துள்ளது. 2017ஆம் ஆண்டில் 20,905 ஆக இருந்த அந்த எண்ணிக்கை கடந்தாண்டில் 21, 282 ஆக உயர்ந்ததாக குடிநுழைவு, சோதனை சாவடி ஆணையம் தெரிவித்தது.
சிங்கப்பூரின் பிறப்பு விகிதம் 2017ஆம் ஆண்டில் 1.16லிருந்து கடந்தாண்டு 1.14க்குக் குறைந்தது. பிறப்பு விகிதம் தொடர்ந்து குறையலாம் என்று தேசிய பல்கலைக்கழகத்தின் சமூக அறிவியல் நிபுணர் டான் எர்ன் சென் தெரிவித்தார்.
