மிகக் கடுமையான போட்டி

அமெ­ரிக்க அதி­பர் தேர்­த­லில் அதி­பர் டோனல்ட் டிரம்ப்­புக்­கும் ஜன­நா­ய­கக் கட்சி வேட்­பா­ள­ரும் முன்­னாள் துணை அதி­ப­ரு­மான ஜோ பைட­னுக்­கும் இடையே மிகக் கடு­மை­யான போட்டி நில­வு­கிறது.

இந்­நி­லை­யில், முக்­கி­ய­மான இரண்டு மாநி­லங்­க­ளா­கக் கரு­தப்­படும் விஸ்­கான்­சின், மிச்­சி­கன் ஆகி­ய­வற்றை திரு பைடன் கைப்­பற்­றி­யுள்­ளார். இதன் மூலம் 270 இடங்­கள் பெரும்­பான்­மையை அவர் நெருங்­கு­வ­தாக அமெ­ரிக்க அர­சி­யல் நிபு­ணர்­கள் கூறு­கின்­ற­னர். தற்­போது 264 தேர்­தல் சபை உறுப்­பி­னர்­க­ளின் ஆத­ரவை திரு பைடன் பெற்­றுள்­ளார். இன்­னும் ஆறு இடங்­களில் வென்­றால் அவரே அடுத்த அதி­ப­ராக அறி­விக்­கப்­ப­டு­வார். வாக்­கு­கள் எண்­ணப்­பட்டு வரும் நிலை­யில் இது­வரை 70.5 மில்­லி­யன் வாக்­கு­களை திரு பைடன் பெற்­றுள்­ளார். மறு­மு­னை­யில் அதி­பர் டிரம்ப் 67.8 வாக்­கு­க­ளைப் பெற்­றுள்­ளார்.

எஞ்­சி­யுள்ள மாநி­லங்­களில் கடு­மை­யான போட்டி நில­வு­வ­தா­லும் இரு வேட்­பா­ளர்­க­ளுக்கு இடை­யி­லான இடை­வெளி மிக­வும் குறை­வாக இருப்­ப­தா­லும் எது வேண்­டு­மா­னா­லும் நடக்­க­லாம் என்று கூறப்­ப­டு­கிறது.

அலெஸ்கா, நிவேடா, ஜார்­ஜியா, பென்­சில்­வே­னியா, நார்த் கரோ­லைனா ஆகிய மாநி­லங்­களில் வாக்­கு­கள் எண்­ணப்­ப­டு­கின்­றன. நெவேடா மாநி­லத்­தில் திரு பைடன் வெற்றி பெற்­றால் போதும், பெரும்­பான்­மையை அவர் பெற்­று­வி­டு­வார்.

இந்­நி­லை­யில், விஸ்­கான்­சின் மாநி­லத்­தில் வாக்­கு­களை மீண்­டும் எண்ண வேண்­டும் என்று கேட்­டுக்­கொண்­டுள்­ளார் திரு டிரம்ப். மிச்­சி­கன், பென்­சில்வேனியா, ஜார்­ஜியா ஆகிய மாநி­லங்­களில் வாக்­கு­கள் எண்­ணு­வதை நிறுத்த வழக்கு தொடுக்­கப் போவ­தா­க­வும் அதி­பர் டிரம்ப் தெரி­வித்­துள்­ளார்.

இதற்­கி­டையே, தேர்­த­லில் வெற்றி பெற்­று­விட்­ட­தாக அறி­விப்­ப­தற்­கான நேரம் இன்­னும் கனி­ய­வில்லை என்று திரு பைடன் கூறி­னார். ஆனால், போது­மான மாநி­லங்­களை வென்­றி­ருப்­பதை விஸ்­கான்­சின், மிச்­சி­கன், பென்­சில்­வே­னியா ஆகிய மாநி­லங்­களில் தமக்­குக் கிடைத்­தி­ருக்­கும் ஆத­ரவு காட்­டு­வ­தாக, தமது சொந்த ஊரான வில்­மின்­ட­னில் செய்­தி­யா­ளர்­க­ளி­டம் திரு பைடன் தெரி­வித்­தார். இது ஒரு­பு­றம் இருக்க, வாக்கு எண்­ணு­வ­தில் மோசடி நிகழ்­வ­தாக எவ்­வித ஆதா­ரத்­தை­யும் முன்­வைக்­கா­மல் அதி­பர் டிரம்ப் டுவிட்­ட­ரில் பதிவு செய்­துள்­ளார். வாக்­கு­கள் எண்­ணப்­பட்டு வரும் நிலை­யில், பென்­சில்­வே­னியா, ஜார்­ஜியா, நார்த் கரோ­லைனா ஆகிய மாநி­லங்­களில் தாம் வெற்றி பெற்­று­விட்­ட­தாக அவர் கூறி வரு­கி­றார். அந்த மாநி­லங்­களில் அவர் முன்­னிலை வகித்து வரு­கி­றார்.

இந்­நி­லை­யில், வாக்­கு­கள் எண்­ணப்­ப­டு­வதை நிறுத்த வேண்­டும் என அதி­பர் டிரம்ப் விடுத்த கோரிக்­கைக்குக் கடு­மை­யான எதிர்ப்­ப­லை­கள் ஏற்­பட்­டுள்­ளன. போர்ட்­லந்து நக­ரில் வாக்­க­ளிப்­புக்­குப் பிறகு, கல­வ­ரம் மூண்­டது. சாலை­களில் திரண்ட ஆர்ப்­பாட்­டக்­கா­ரர்­க­ளைக் கலைக்க கல­வ­ரத் தடுப்பு அதி­கா­ரி­கள் நிறுத்­தப்­பட்­ட­னர்.

ஏறத்­தாழ 11 பேர் கைது செய்­யப்­பட்­ட­தா­க­வும் சுத்­தி­யல், துப்­பாக்­கி­கள் போன்ற ஆயு­தங்­கள் பறி­மு­தல் செய்­யப்­பட்­ட­தா­க­வும் போர்­ட்லந்து போலி­சார் தெரி­வித்­த­னர். நியூ­யார்க் நக­ரில் கிட்­டத்­தட்ட 50 ஆர்ப்­பாட்­டக்­கா­ரர்­கள் கைது செய்­யப்­பட்­ட­னர். அமெ­ரிக்­கா­வின் பல மாநி­லங்­களில் ஜோ பைட­னின் ஆத­ர­வா­ளர்­க­ளால் அமை­தி ­யான முறை­யில் போராட்­டம் நடத்­தப்­பட்­டது. டென்­வ­ரில் போலி­சா­ரு­டன் கைக­லப்­பில் ஈடு­பட்ட நால்­வர் கைது செய்­யப்­பட்­ட­னர். வாக்­கு­கள் முழு­மை­யாக எண்­ணப்­பட வேண்­டும் எனக் கோரி அட்­லாண்டா, டெட்­ராய்ட், ஓக்­லந்து ஆகிய இடங்­களில் ஆர்ப்­பாட்­டங்­கள் நடத்­தப்­பட்­டன.

அரி­சோ­னா­வில் அதி­பர் டிரம்ப் கூறி­யது போல வாக்­கு­கள் எண்­ணு­வதை நிறுத்த வேண்­டும் எனக் கூறி அவ­ரது ஆத­ர­வா­ளர்­கள் வாக்கு எண்­ணும் மையத்தை முற்­று­கை­யிட்­ட­னர். மோசடி மூலம் மட்­டுமே அரி­சோ­னாவை திரு பைடன் கைப்­பற்ற முடி­யும் என அவர்­கள் கூறி­னர். திரு பைடன் வெற்றி பெற்­ற­தாக அறி­விக்­கப்­பட்­டால் அதை ஏற்­கப்­போ­வ­தில்லை என்று அவர்­கள் முழக்­க­மிட்­ட­னர்.

இலக்கை நெருங்கும் பைடன்; மோசடி எனப் போர்க்கொடி உயர்த்தும் டிரம்ப்