ஜோகூரை சுழற்றியடித்த மழை; பல ஆயிரம் பேர் வெளியேற்றம்

சிங்­கப்­பூ­ரைப் போலவே மலே­சி­யா­வி­லும் தொடர் மழை பெய்­த­தன் கார­ண­மாக ஜோகூ­ரில் ஏரா­ள­மா­னோர் அவர்­க­ளின் வீடு­களில் இருந்து பத்­தி­ர­மாக வெளி­யேற்­றப்­பட்­ட­னர். ஏழு மாவட்­டங்­க­ளைச் சேர்ந்த 6,248 குடி­யி­ருப்­பா­ளர்­கள் தற்­கா­லிக நிவா­ரண முகாம்­களில் தங்க வைக்­கப்­பட்­ட­னர். இவர்­கள் 1,628 குடும்­பங்­க­ளைச் சேர்ந்­த­வர்­கள். இது நேற்று நண்­ப­கல் வரை­யி­லான நில­வ­ரம்.

பாதிக்­கப்­பட்ட ஜோகூர் பாரு, கோத்தா திங்கி, குளுவாங், மெர்­சிங், பொந்­தி­யான், கூலாய் மற்­றும் பத்து பகாட் ஆகிய மாவட்­டங்­களில் 56 தற்­கா­லிக நிவா­ரண முகாம்­கள் அமைக்­கப்­பட்டு உள்­ள­தாக ஜோகூர் மாநில சுகா­தார, சுற்­றுப்­பு­றக் குழு­வின் தலை­வர் ஆர்.வித்­யா­னந்­தன் தெரி­வித்­தார்.

காலை நில­வ­ரத்தை விளக்­கிய அவர், ஆக அதி­க­மாக ஜோகூர் பாரு­வில் 2,452 பேர் பாதிக்­கப்­பட்­ட­தா­கக் குறிப்­பிட்­டார். மிக­வும் குறை­வாக பொந்­தி­யான் மாவட்­டத்­தில் ஆறு பேர் மட்­டும் இட­மாற்­றம் செய்­யப்­பட்­ட­னர். வெள்­ளம் கார­ண­மாக ஒரு மர­ணச் சம்­ப­வம் பதி­வா­ன­தா­க அவர் குறிப்பிட்டார்.

மேலும் ஜாலான் ஜோகூர் பாரு-கோத்தா மெர்­சிங் சாலை­யில் வெள்ள நீர் 0.2 மீட்­ட­ருக்கு மேல் காணப்­பட்­ட­தால் அந்­தச் சாலை மூடப்­ப­பட்­ட­தாக திரு வித்­யா­னந்­தன் கூறி­னார். இது­போல 10 பிர­தான சாலை­கள் நீரில் மூழ்­கின. அவற்­றில் ஏழு சாலை­களில் போக்­கு­வ­ரத்து நிறுத்­தப்­பட்­டது. எவ்­வி­த­மான வாக­னங்­க­ளுக்­கும் அவற்­றில் அனு­மதி இல்லை. சில இடங்­களில் சாலை­களை இணைக்­கும் பாலங்­கள் உடைந்­து­விட்­ட­தா­கத் தெரி­விக்­கப்­பட்­டது.

சனிக்­கி­ழமை தொடர்ந்து பெய்த கன­மழை கார­ண­மாக ஜோகூ­ரில் உள்ள மூன்று ஆறு­

க­ளின் நீர்­மட்­டம் அபா­ய­கட்­டத்­தைக் கடந்­தது. சுங்கை லெனிக்­கின் நீர்­மட்­டம் 6.69 மீட்­ட­ரா­கப் பதி­வா­னது. அதன் அபாய அளவு ஆறு மீட்­டர். அடுத்­த­தாக, கோத்தா திங்­கி­யில் உள்ள சுங்கை ஜோகூ­ரின் அபாய அள­வான 9.80 மீட்­ட­ருக்­கும் மேல் 10.44 மீட்­டர் என நீர்­மட்­டம் பதி­வா­னது. இவை தவிர ஜோகூர் பாரு­வில் உள்ள சுங்கை ஸ்கூ­டாய் நீர்­மட்­டம் அபா­ய­கட்­டத்­தைக் காட்­டி­லும் இரட்­டிப்­பா­னது. அபாய அள­வான மூன்று மீட்­ட­ரை­யும் கடந்து 7.03 மீட்­ட­ராக அங்கு பதி­வா­னது.