என்டியுசி உறுப்பினர்களுக்கு உளவியல், நிதி உதவிகள்

கொவிட்-19 கொள்­ளை­நோய் மற்­றும் வேலை நிலவரத்தால் மன உளைச்­ச­லுக்கு ஆளான தொழிற்­சங்க உறுப்பினர்களுக்கு உதவ விரை­வில் அவர்­க­ளுக்கு உள­வி­யல்­ சார்ந்த உதவி வழங்­கப்­படும்.

குறைந்த வரு­மா­னம் ஈட்­டும் மற்­றும் தங்­கள் சம்­ப­ளம் குறிப்­பி­டத்­தக்க அளவு குறைக்­கப்­பட்ட தொழிற்­சங்க உறுப்­பி­னர்­க­ளான அவர்­கள் தனித்­த­னி­யாக ஆலோ­சனை சேவை பெறு­வார்­கள் என்­றும் தேசிய தொழிற்­சங்க காங்­கி­ரஸ் (என்­டி­யுசி) நேற்று தெரி­வித்­தது.

"வேலை சார்ந்த திடீர் சூழ்­நிலை­யால் அல்­லது கடு­மை­யான கவ­லை­யால் ஊழி­யர்­க­ளின் மன­நிலை பெரி­தும் பாதிக்­கப்­பட்­டி­ருக்­கக்­கூ­டும்.

"குறிப்­பாக, பரா­ம­ரிப்­பா­ளர்­கள் போன்ற சிரமமான தனிப்­பட்ட பொறுப்­பு­களை ஏற்­றி­ருப்­போ­ருக்­கும் மிக இளைய அல்­லது முதிய வய­து­டைய சார்ந்­தி­ருப்­போ­ரைக் கொண்­டி­ருப்­போ­ருக்­கும் இது பெரும் பிரச்­சி­னை­யாக அமைந்­து­வி­டும்.

"இவ்­வாண்­டி­லும் அதற்கு அப்­பா­லும் வெவ்­வேறு துறை­கள் வெவ்­வேறு வேகத்­தில் வளர்ச்சி காணும் என்­ப­தால் இத்­த­கைய கவ­லை­கள் தொட­ரக்­கூ­டும்," என்­றும் என்­டி­யுசி தனது அறிக்­கை­யில் தெரி­வித்­தது.

'மைண்ட் கல்ச்­சர்' எனும் உள­வி­யல் நிலை­யத்­து­டன் இணைந்து இத்­திட்­டத்­தில் செயல்­ப­ட­வி­ருக்­கும் என்­டி­யுசி இத்­திட்­டம் பற்றி மேல் விவ­ரங்­கள் வரும் மார்ச் மாதத்­தில் வெளி­யி­டப்­படும் என்­றது.

இந்த ஆலோ­சனை சேவை, 'என்­டி­யுசி-யு கேர்' நிதித் திட்­டம் ஆத­ர­வ­ளிக்­கும் தொடர் உத­வித் திட்­டங்­களில் ஒரு பகு­தி­யா­கும்.

"முன்பு பொரு­ளி­யல் மந்­த­நி­லை­யால் பாதிக்­கப்­பட்ட என்­யு­டிசி உறுப்­பி­னர்­க­ளுக்கு உத­வும் பொருட்டு, 2009ஆம் ஆண்­டில் 'என்­டி­யுசி-யு கேர்' நிதித் திட்­டம் தொடங்­கப்­பட்­டது.

"அதே­போல் பத்து ஆண்­டு­களுக்­குப் பிறகு, கொவிட்-19 கிரு­மித்­தொற்­றுச் சூழ­லால் உரு­வா­கி­யுள்ள சவால்­களை எங்­கள் உறுப்­பி­னர்­கள் சமா­ளிக்க நாங்­கள் எங்­கள் கடப்­பாட்டை முழு­மை­யா­கத் தெரி­வித்­துள்­ளோம்," என்­றார் என்­டி­யு­சி­யின் உத­வித் தலை­மைச் செய­லா­ள­ரும் என்­டி­யுசி பரா­ம­ரிப்பு மற்­றும் பரிவு பிரி­வின் இயக்­கு­நரு மான திரு ஸைனல் சப்­பாரி.

கடந்த ஆண்­டில் இந்­நி­தித் திட்­டத்­துக்­காக கிட்­டத்­தட்ட 100 பேர் நன்­கொடை அளித்­த­னர். அதை­யும் சேர்த்து என்­டி­யுசி தனது குறைந்த வரு­மான உறுப்­பி­னர்­க­ளின் நல்­வாழ்வை மேம்­ப­டுத்த $31.5 மில்­லி­யனை செல­வ­ழிக்க கடப்­பாடு கொண்­டுள்­ளது.

கடந்த மாதம் 18ஆம் தேதி வரை கிட்­டத்­தட்ட 33,000 உறுப்­பி­னர்­களுக்கு $16 மில்­லி­யன் மதிப்­பி­லான நிதியை வழங்­கி­யுள்­ளது. அது அவர்­க­ளின் அன்­றாட செலவு­களுக்­கும் பிள்­ளை­க­ளின் பள்ளி சார்ந்த செல­வு­க­ளுக்­கும் பயன்­படுத்­தப்­பட்­டது.

இது கடந்த ஆண்டு மார்ச் மாதத்­தில் தொடங்­கப்­பட்ட 'என்­டி­யுசி கேர்' நிதி (கொவிட்-19) என்ற திட்­டத்­தின் மூலம் வழங்­கப் பட்­டது.

கொவிட்-19 சூழ்­நி­லை­யால் சம்­ப­ளம் குறைக்­கப்­பட்ட உறுப்­பி­னர்­களுக்­குத் தலா $300 ரொக்க உதவி கொடுக்­கப்­பட்­டது என்­றும் என்­டி­யுசி கூறி­யது.