சமூகத்தில் ஒருவருக்குத் தொற்று

சிங்கப்பூரில் புதிதாக 45 கிருமித்தொற்றுச் சம்பவங்கள் உறுதி செய்யப்பட்டுள்ளன. இதனுடன் சிங்கப்பூரின் மொத்த கிருமித்தொற்று எண்ணிக்கை 59,029க்கு உயர்ந்துள்ளது.

புதிதாக பாதிக்கப்பட்டோரில் 44 பேர் வெளிநாட்டில் கிருமியைத் தொற்றி இங்கு வந்தவர்கள். இவர்கள் வீட்டில் தங்கும் உத்தரவை நிறைவேற்றுகின்றனர் .

கடந்த ஆண்டு மார்ச் 28ஆம் தேதியன்று புதிய கிருமித்தொற்று எண்ணிக்கையான 48 சம்பவங்கள் பதிவான பிறகு இந்த எண்ணிக்கை ஆக அதிகமானது. புதிய எண்ணிக்கையில் ஒன்று சமூகத்தைச் சேர்ந்தது. ஊழியர் தங்கும் விடுதிகளில் இன்று புதிதாக எவரும் பாதிக்கப்படவில்லை