பொதுமக்கள் தாங்கள் போட்டுக்கொள்ள இருக்கும் கொவிட்-19 தடுப்பூசி வகையை இனி தேர்ந்
தெடுக்கலாம்.
அவ்வாறு செய்ய விரும்புபவர்கள் சுகாதார அமைச்சின் இணையப்பக்கத்துக்குச் சென்று தடுப்பூசி போடும் மையங்கள், தடுப்பூசி வகை ஆகியவை தொடர்பான பட்டியலிலிருந்து வேண்டிய தகவல்களைப் பெற்றுக்கொள்ளலாம்.
11 மையங்களில் மொடர்னா தடுப்பூசி மருந்து செலுத்தப்படுகிறது.
எஞ்சிய 27 மையங்களில் ஃபைசர்-பயோஎன்டெக் தடுப்பூசி மருந்து செலுத்தப்படுகிறது.
பொதுமக்கள் தாங்கள் செல்ல விரும்பும் தடுப்பூசி போடும் மையத்தை அல்லது பலதுறை மருந்தகத்தைத் தேர்ந்தெடுக்கலாம்.
ஆனால் கொவிட்-19 தடுப்பூசி போட்டுக்கொள்ள பலர் முன்வருவதாலும் இதில் குறிப்பிட்ட அளவு தடுப்பூசி மருந்து மட்டுமே இருப்பதாலும் சில மையங்களுக்குச் சிலர் மட்டுமே செல்லலாம்.
ஹொங் கா நார்த், மார்சிலிங், பொங்கோல் 21, ராடின் மாஸ், கோலாம் ஆயர், போனா விஸ்தா, பொத்தோங் பாசிர், தெம்பனிஸ் ஈஸ்ட், உட்லண்ட்ஸ், கெபுன் பாரு, இயூ டீ ஆகிய சமூக மன்றங்களில் மொடர்னா தடுப்பூசி மருந்து செலுத்தப்படுகிறது.
மற்ற தடுப்பூசி மையங்களிலும் பலதுறை மருந்தகங்களிலும் குறிப்பிட்ட சில பொது சுகாதாரத் தயார்நிலை மருந்தகங்களிலும் தொடர்ந்து ஃபைசர் தடுப்பூசி மருந்து செலுத்தப்படும். இருவகை தடுப்பூசி மருந்துகளும் ஒரே மாதிரி பக்கவிளைவுகளை ஏற்படுத்துவதாக தெரிவிக்கப்பட்டது.