இன நல்லிணக்கம் மிளிர அரசாங்கம் பாடுபட்டுள்ளது

ப. பால­சுப்­பி­ர­ம­ணி­யம்

சிங்­கப்­பூ­ரில் சில­ரி­டையே இன­

வா­தப் போக்கு தொடர்ந்து இருந்து வரும்­போ­தி­லும் பல இன, பல சமய மக்­கள் ஒற்­று­மை­யு­டன் வாழ்ந்து வரு­வ­தாக கல்வி அமைச்­சர் லாரன்ஸ் வோங் தெரி­வித்­தார்.

இந்த நல்­லி­ணக்­க­மிக்க சமு­தா­யத்தை உரு­வாக்க சிங்­கப்­பூர் அர­சாங்­கம் கடந்த பல ஆண்­டு­க­ளாக சரி­யான நட­வ­டிக்­கை­களை எடுத்­துள்­ளது என்­றார் அவர்.

"உலக நாடு­களை உன்­னிப்­பா­கக் கவ­னித்­தால் அரை நூற்­றாண்­டுக்­கும் மேலா­கப் பல்­லின, பல சமய மக்­கள் ஒற்­று­மை­யு­ட­னும்­ அ­மை­தி­யா­க­வும் வாழும் மிகச் சில நாடு­களில் சிங்­கப்­பூ­ரும் ஒன்று என மிக தெளி­வா­கத் தெரி­யும். இது விலை­ம­திப்­பில்­லாத ஒன்று. இதை நாம் மறந்­து­வி­டக்­கூ­டாது. இந்த நிலை என்­றென்­றும் தொடர, அதை மிகப் பத்­தி­ர­மா­கப் பாது­காக்க வேண்­டும்," என்­றார் திரு வோங்.

சிங்­கப்­பூர் பள்­ளி­களில் பயி­லும் மாண­வர்­க­ள் தங்­களை சிங்­கப்­பூ­ரர்­கள் என்று அடை­யா­ளப்­ப­டுத்­திக்­கொள்­வதை அமைச்­சர் சுட்­டி­னார்.

பல இன, சல சமய மக்­க­ளுக்­கி­டையே நம்­பிக்கை உணர்வை ஏற்­ப­டுத்த இது உத­வு­வ­தாக அவர் கூறி­னார்.

இன­வாத விவ­கா­ரங்­க­ளைப் பற்றி இன்­னும் வெளிப்­ப­டை­யாக பேசும் சூழல் இருக்க, இணை­யத்­தி­லும் வெளிச்­சூ­ழ­லி­லும் அது குறித்து பேசும் கருத்­து­க­ளுக்­குத் தனி நபர்­கள் பொறுப்பு எடுத்­துக்­கொள்ள வேண்­டும் என்று வலி­யு­றுத்­தி­னார் கல்வி அமைச்­ச­ரும் இரண்­டாம் நிதி அமைச்­ச­ரு­மான திரு லாரன்ஸ் வோங்.

இனம் தொடர்­பான மெய்­நி­கர் கலந்­து­ரை­யா­ட­லில் நேற்று அமைச்­சர் பங்­கேற்று பேசி­னார்.

இந்­நி­கழ்ச்­சியை OnePeople.sg எனும் சமய நல்­லி­ணக்­கத்தை மேம்­ப­டுத்­தும் தேசிய அமைப்­பும் நன்­னம்­பிக்கை குழு­வான 'ரோசஸ் ஆஃப் பீஸ்' அமைப்­பும் ஏற்­பாடு செய்­தன. இக்­க­லந்­து­ரை­யா­டல் தொட­ரின் ஆறாம் பாக­மான நேற்­றைய நிகழ்வு, அடை­யா­ளம், இன­வா­தம், சமூக ஊடக நெறி­மு­றை­கள், வெவ்­வேறு தலை­மு­றை­க­ளின் கண்­ணோட்­டம் ஆகி­ய­வற்­றி­லி­ருந்து கற்­றுக்­கொண்ட பாடங்­களை நினை­வு­கூர்ந்­தது.

அதோடு, அவை குறித்த சவால்­களை சமா­ளிக்­கும் தீர்­வு­களும் ஆராயப்­பட்­டன.

நிகழ்ச்­சி­யின் தொடக்­கத்­தில் உரை­யாற்­றிய அமைச்­சர் வோங், சிங்­கப்­பூ­ரின் இன்­றைய நல்­லி­ணக்க நிலைப்­பாடு பல ஆண்­டு­க­ளின் கடின உழைப்­பி­லும் நட்பு­ணர்வை மேம்­படுத்துவதிலும் சாத்­தி­ய­மா­னது என்­றார்.

இது எதிர்­கா­லத்­தில் உரு­மா­றும் ஏனெ­னில் இன விவ­கா­ரங்­க­ளின் தொடர்­பில் சமு­தா­யத்­தின் போக்­கும் காலத்­தோடு மாறும் தன்மை கொண்­டது என்று அவர் சொன்­னார்.

தற்­போ­தைய சூழ­லில் இளைய தலை­மு­றை­யி­ன­ருக்­கும் மூத்த தலை­மு­றை­யி­ன­ருக்­கும் இனம் தொடர்­பில் வேறுபட்ட கருத்­து­கள் இருக்­கும் என்­பதை உணர்­வது முக்­கி­யம் என்று அமைச்­சர் வோங் கூறி­னார்.

பல இன சமூ­கத்தை நிலை­நாட்­டு­வ­தற்கு சிங்­கப்­பூ­ரில் பல்­வேறு அர­சாங்கக் கொள்­கை­கள் நடப்­பில் உள்­ளன என்று குறிப்­பிட்ட அமைச்­சர், அவற்றை தொடர்ந்து மறு­ஆய்வு செய்து மாற்­றங்­களை அறி­மு­கம் செய்­வ­தி­லும் அர­சாங்­கம் கடப்­பாடு கொண்­டுள்­ளது என்­றார்.

இதற்கு உதா­ர­ண­மாக அவர் சுகா­தார துறையில் முஸ்­லிம் தாதி­யர்­கள் தலை­யங்கி அணிய அனு­ம­திப்­பது தொடர்­பில் அர­சாங்­கம் பரி­சீ­லித்து வரு­வதை உதா­ர­ணம் காட்­டி­னார்.

அவ்­வப்­போது இனம் தொடர்­பான விவ­கா­ரங்­கள் எழும்­போது, எல்­லாத் தரப்­பி­னர்­க­ளுக்­கும் ஈடு­கொ­டுக்­கும் தீர்­வு­களை அர­சாங்­கம் கண்­டுள்­ளது என்று தெரி­வித்த அமைச்­சர், தைப்­பூ­சத் திரு­வி­ழா­வில் மேளதா­ளத்­திற்கு நீக்­கு­போக்கு மாற்­றங்­களை அறி­மு­கம் செய்­தது அவற்­றில் அடங்­கும் என்­றார். சமூக ஊட­கங்­களில் இன­வா­தம் தொடர்­பான சம்­ப­வங்­கள் சர்ச்­சையை கிளப்பி எதிர்­

ம­றை­யான தாக்­கத்தை ஏற்­ப­டுத்­தக்­கூ­டி­யவை என்­ப­தால் அவற்றை எதிர்த்துப் பாடு­பட வேண்­டும் என்று அமைச்­சர் விளக்­கி­னார்.

இதற்கு இணங்க, பள்­ளி­களில் நற்­கு­ண­மும் குடி­யி­யல் கல்­வி­யும் பாடத்­திட்­டத்­தில் இணைய பாது­காப்பு மற்­றும் ஆக்­க­பூர்வ வகை­யில் இனம், சம­யம் குறித்த விவ­கா­ரங்­களை கலந்­து­பே­சு­வ­தற்­கான தளம் உரு­வாக்­கப்­பட்­டுள்­ளது என்று அமைச்­சர் வோங் தெரி­வித்­தார். பிறர் கலா­சா­ரத்தை மதித்து செயல்­படும் வேளை­யில் நம் சொந்த கருத்­து­க­ளுக்கு வேறு­பட்ட பிற­ரின் மாற்று கருத்­து­க­ளை­யும் செவி­ம­டுக்க வேண்­டும் என்று அமைச்­சர் சுட்­டி­னார்.

சுகா­தார, தொடர்பு, தக­வல் அமைச்­சு­க­ளின் மூத்த துணை அமைச்­ச­ரான டாக்­டர் ஜனில் புதுச்­சேரி வழி­ந­டத்­திய இக்­க­லந்­து­ரை­யா­ட­லில் சுமார் 100க்கும் மேற்­பட்­டோர் கலந்­து­கொண்­ட­னர்.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!