மாணவர் முரசு
இ-பேப்பர்
சிங்கப்பூருக்கு 'கொமிர்னாட்டி' என்ற கொவிட்-19 தடுப்பூசி வரவிருக்கிறது.
புதிய தடுப்பூசி மருந்து இப்போது பயன்படுத்தப்பட்டு வரும் ஃபைசர்-பயோஎன்டெக் மருந்தைப் போன்றது என்று நேற்று சுகாதார அமைச்சு அறிக்கை ஒன்றில் தெரிவித்தது.
ஃபைசர் மருந்தைப் போன்ற அதே நடைமுறைகளைப் பயன்படுத்தி கொமிர்னாட்டி மருந்து தயாரிக்கப்படுகிறது என்று அமைச்சு குறிப்பிட்டது. புதிய மருந்து ஐரோப்பாவில் தயாரிக்கப்பட்டு நேரடியாக சிங்கப்பூருக்கு வரவிருக்கிறது. இந்த இரண்டு மருந்துகளிலும் அடையாள முத்திரை மட்டும்தான் வேறுபட்டு இருக்கும் என்றது அமைச்சு.
புதிய மருந்து ஃபைசர்-பயோயென்டெக்/கொமிர்னாட்டி என்று பதிவேடுகளில் குறிப்பிடப்படும். சிங்கப்பூரில் இப்போது மொடர்னா என்ற ஊசி மருந்துக்கும் அனுமதி வழங்கப்பட்டு இருக்கிறது.
சினோவேக் ஊசி மருந்து இங்கு பதியப்படாத ஒன்றாகவே இருந்து வருகிறது. இருந்தாலும் 24 தனியார் சுகாதாரப் பராமரிப்பு மருந்தகங்களில் இதைப் போட்டுக்கொள்ளலாம்.