வேலை இழந்தவர்களுக்கு சிங்கப்பூரின் ஆதரவு தொடரும்

வெளி­நா­டு­க­ளுக்­குத் தன் கத­வைத் திறந்­தி­ருக்­க­வும் சிங்­கப்­பூ­ரர்­க­ளுக்­குப் பலன்­க­ள் தர­வும் சிங்­கப்­பூர் தொடர்ந்து திறந்த பொரு­ளி­ய­லின் குறை­பாடு­களை அறிந்து செயல்­படும் என்று நிதி அமைச்­சர் லாரன்ஸ் வோங் நேற்று நாடா­ளு­மன்­றத்­தில் கூறி­னார். உல­க­ம­ய­மா­கும்­போது ஒரு மைய­மா­கத் திக­ழும் பொரு­ளி­யலை, சிங்­கப்­பூர் கொண்­டி­ருந்து அதன் மூலம் நாட்­டுக்­குப் பலன்­கள் கிட்­டி­னாலும், அதில் பின்­வி­ளை­வு­களும் அடங்­கி­யுள்­ள­தாக அவர் குறிப்­பிட்­டார். சிலர் தங்­க­ளின் வேலை­களை இழக்­கக்­கூ­டும் என்று உதா­ர­ணம் காட்­டி­னார்.

இருப்­பி­னும், தேவை­யற்­ற­தாக அடை­யா­ளங்­கா­ணப்­பட்ட வேலை­க­ளைப் பிடித்து வைத்­துக்­கொண்டு தன் முன்­னேற்­றத்­தைத் தடுப்­ப­தற்­குப் பதி­லாக, சிங்­கப்­பூர் கடு­மை­யா­கச் செயல்­பட்டு அனைத்து ஊழி­ய­ருக்­கும் பாது­காப்பு அளிப்­ப­தும் வேலை இழந்­தோ­ருக்கு உத­விக்­க­ரம் நீட்­டு­வ­துமே சரி­யான அணு­கு­முறை என்­றார் திரு வோங்.

இந்த அணு­கு­மு­றையை மக்­கள் செயல் கட்­சி­யும் தேசிய தொழிற்­சங்க காங்­கி­ர­சும் கையாண்டு வரு­வ­தா­க­வும் அவர் குறிப்­பிட்­டார்.

கடந்த பத்­தாண்­டு­களில் கிட்­டத்­தட்ட 60,000 'பிஎம்­இடி' எனப்­படும் நிபு­ணர்­கள், மேலா­ளர்­கள், நிர்­வா­கி­கள் மற்­றும் தொழில்­நுட்ப வல்­லு­நர்­கள் ஆட்­கு­றைப்­பின் மூலம் தங்­க­ளின் வேலையை இழந்­துள்­ள­னர். இருப்­பி­னும், சிங்­கப்­பூர்­வா­சி­க­ளுக்கு இதே 'பிஎம்­இடி' வேலை­கள் கிடைத்­தி­ருந்த எண்­ணிக்கை, ஏறத்­தாழ 300,000 அதி­கம் என்­றார் அவர்.

வெளி­நா­டு­க­ளுக்­குத் திறந்த ஒரு நாடாக இயங்­கு­வ­தால் ஏற்­படும் பாதிப்­பு­களை சிங்­கப்­பூர் எவ்­வாறு சமா­ளிக்­கிறது என்று திரு வோங் பட்­டி­ய­லிட்­டார்.

முத­லா­வ­தாக, வேலை அனு­மதி அட்டை வைத்­தி­ருப்­ப­வர்­க­ளின் வரு­கை­யைச் சமா­ளிக்­க­வும் அவர்­களின் தரத்தை உறு­திப்­ப­டுத்­த­வும் அர­சாங்­கம் தொடர்ந்து அதன் மனி­த­வ­ளக் கொள்­கை­கள், விதி­மு­றை­கள் ஆகி­ய­வற்றை மேம்­படுத்தி வரு­கிறது.

இரண்­டா­வ­தாக, நியா­ய­மான வேலை­வாய்ப்பு நடை­மு­றை­களை சிங்­கப்­பூர் கடைப்­பி­டிப்­ப­து­டன் வேலை­யி­டப் பாகு­பாட்­டுக்கு எதி­ரா­கக் கடு­மை­யான ஒரு நிலைப்­பாட்டை அது கொண்­டுள்­ளது.

இறுதி அம்­ச­மாக, வேலை இழந்­த­வர்­க­ளுக்­குத் தன்­னால் முடிந்த அளவு சிங்­கப்­பூர் உதவி நல்கி வரு­கிறது என்­றார் அமைச்­சர்.

இதற்­கா­கவே, 'ஸ்கில்ஸ்­ஃபி­யூச்­சர்' என்ற சிங்­கப்­பூ­ரின் தேசிய அள­வி­லான வாழ்­நாள் கற்­றல் இயக்­கத்­தில் பெரு­ம­ளவு முத­லீ­டு­கள் செய்­யப்­பட்டு சிங்­கப்­பூ­ரர்­கள் வேலை­யில் நிய­மிக்­கப்­படும் தகு­தி­யைக் கொண்­டி­ருக்க உதவி வழங்­கப்­ப­டு­வ­தாக அவர் குறிப்­பிட்­டார்.

அர­சாங்­கம் குறிப்­பாக பணி­யிடைக்­கால 'பிஎம்­இடி'கள் மீது கவ­னம் செலுத்தி, அவர்­க­ளுக்­குத் தேவை­யான திறன் பயிற்­சியை வழங்கி புதிய வேலை­கள் தேடிக்­கொள்ள உத­வு­வ­தாக திரு வோங் கூறி­னார்.

இக்­கு­றிப்­பிட்ட ஊழி­யர்­க­ளுக்கு உத­வும் நட­வ­டிக்­கை­களை சிங்­கப்­பூர் துரி­தப்­ப­டுத்த, கொவிட்-19 சூழல் மேலும் தூண்­டு­த­லாக அமைந்­து­விட்­டது. உற்­பத்­தித் திறன், ஊதி­யம் ஆகி­ய­வற்றை அனைத்­துத் துறை­க­ளி­லும் உயர்த்­து­வ­தற்­கான முயற்­சி­கள் நடந்து வரு­வ­தாக திரு வோங் தெரி­வித்­தார்.

இது தொழில்­துறை உரு­மாற்­றம், வேலை­வாய்ப்பு மற்­றும் பயிற்சி ஆத­ரவு ஆகிய அம்­சங்­கள் மூலம் சாத்­தி­ய­மா­கும். பணி­யி­டைக்­கால ஊழி­யர்­க­ளுக்­கும் முதிர்ச்சி­ய­டைந்த ஊழி­யர்­க­ளுக்­கும் குறிப்­பாக இம்­மு­யற்­சி­கள் கை கொடுத்து புதிய துறை­களில் அவர்­கள் காலூன்ற உத­வும் என்று கூறப்­பட்­டது.

நிலை­யற்ற தன்மை, இடை­யூ­று­கள் இரண்­டும் உள்ள கால­கட்­டத்­திற்­குள் சிங்­கப்­பூர் அடி­யெ­டுத்து வைத்­தி­ருக்­கிறது. இந்­நி­லை­யில் இங்­குள்ள ஊழி­யர்­க­ளுக்­குக் கூடு­தல் உதவி சென்­ற­டைய வேண்­டும் என்­ப­தற்­காக அவர்­க­ளுக்கு வழங்­கப்­படும் ஆத­ரவு அள­வு­களில் நிரந்­தர மாற்­றம் ஒன்றை எதிர்­பார்க்­க­லாம் என்று அவர் விளக்­கி­னார்.

இந்த மாற்­றம் தொடர்­பான விவ­ரங்­க­ளைத் தமது அமைச்சு ஆராய்ந்து வரு­வ­தா­கக் குறிப்­பிட்ட அவர், சிங்­கப்­பூர் செய்­ய­வுள்ள அந்த மாற்­றங்­கள் நிதி நிலைத்­தன்­மை­யு­டை­ய­வை­யாக இருக்­கும் என்­பது உறு­தி­செய்­யப்­படும் என்­றார்.

"உங்­க­ளைத் தனி­யாக விட்டு­விட மாட்­டோம், குறிப்­பாக வேலை இழந்­த­வர்­கள். அனைத்து சிங்­கப்­பூ­ரர்­க­ளுக்­கும் நான் அளிக்­கும் வாக்­கு­றுதி இது.

"உங்­க­ளின் ஆற்­றல்­க­ளி­லும் திறன்­க­ளி­லும் நாங்­கள் தொடர்ந்து முத­லீடு செய்­வோம்; போட்­டித்­தன்மை மிக்­க­வ­ராக நீங்­கள் இருக்க உத­வு­வோம்; உங்­க­ளின் வாழ்க்­கைத்­தொ­ழில்­கள் காலம் நீடிக்­கும்­வரை இப்­ப­ய­ணத்­தில் உங்­க­ளு­டன் சேர்ந்தே நடை­போ­டு­வோம்," என்­றார் அமைச்­சர் வோங்.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!