'சிங்கப்பூரின் கொரோனா அணுகுமுறை சரியானது'

கொவிட்-19 கிரு­மித்­தொற்றை ஒடுக்கி பொரு­ளி­ய­லைத் திறந்­து­விட அர­சாங்­கம் கைக்­கொள்­ளும் அணு­கு­முறை சரி­யான ஒன்று என்று சுகா­தார அமைச்­சர் ஓங் யி காங் தெரி­வித்­துள்­ளார். விடியல் வெளிச்­சத்தை நோக்கி நாளுக்கு நாள் நாம் முன்­னேறி வரு­வ­தாக அவர் கூறினார்.

ஆசி­யப் பசி­பிக் சுகா­தா­ரப் பரா­ம­ரிப்பு, தக­வல் நிர்­வாக முறை சங்க மாநாட்­டில் நேற்று உரை­யாற்­றிய அமைச்­சர், சிங்­கப்­பூ­ரின் அணு­கு­முறை கார­ண­மாக பெரிய அளவில் மர­ணங்­கள் தவிர்க்­கப்­பட்டு இருக்­கின்­றன என்று தெரி­வித்­தார்.

அண்­மைய நாட்­களில் தொற்று கூடி இருக்­கிறது. மர­ணங்­களும் அதி­க­ரித்து உள்­ளன. ஆகை­யால் சுகா­தார அமைச்சு மனி­த­வள ஆற்­றலைத் திரட்டி வரு­வ­தா­க அமைச்சர் குறிப்பிட்டார்.

சுகா­தா­ரப் பரா­ம­ரிப்பு நடை­மு­றை­கள் எளி­மை­யாக்­கப்­பட்டு இருக்­கின்­றன. சுமை­யைப் பகிர்ந்­து­கொள்ள உத­வும் வகை­யில் தனி­யார் துறை மருத்­து­வ­மனை­க­ளை­யும் அமைச்சு பயன்­ப­டுத்­திக் கொண்டு வரு­கிறது என்றும் அமைச்­சர் குறிப்­பிட்­டார்.

மேலும், சுகா­தா­ரப் பரா­ம­ரிப்­புத் துறை­யில் மின்­னி­லக்­கம் கார­ண­மாக ஏற்­படக்­கூ­டிய உரு­மாற்­றம் இதர துறை­களைப் போல அவ்­வ­ளவு வேக­மாக இடம்­பெறு­வதற்­கான வாய்ப்­பு­கள் இருப்­ப­தா­கத் தெரி­ய­வில்லை என்­றார் அமைச்­சர்.

மின்­னி­லக்கத் தொழில்­நுட்­பம் பல துறை­களை உரு­மாற்றி உள்ளது என்­றும் சுகா­தா­ரப் பரா­ம­ரிப்­புத் துறை­யும் அதற்கு விதி­வி­லக்­காக இருக்­காது என்­றும் குறிப்­பிட்ட அமைச்­சர், இருந்­தா­லும் சுகா­தா­ரப் பரா­ம­ரிப்­புத் துறை மிக­வும் சிக்­க­லான ஒன்று என்பதைச் சுட்­டி­னார்.