மேம்படுத்தப்பட்ட ‘டிரேஸ்டுகெதர்’ செயலி

வரு­கைப் பதி­வுக்­கான 'டிரேஸ்­டு­கெ­தர்' செய­லி­யின் பயன்­பாடு இனி மேலும் துரி­த­மாக, தெளி­வா­ன­தாக அமை­யும். மேம்­ப­டுத்­தப்­பட்­டுள்ள 'டிரேஸ்­டு­கெ­தர்' செய­லி­யைப் பயன்­ப­டுத்­து­வோர், 'சேஃப்என்ட்ரி' வரு­கைப் பதிவு செய்­து­கொண்டு ஓர் இடத்­திற்­குள் அனு­ம­திக்­கப்­ப­டு­வது மேலும் எளி­மை­யாக்­கப்­பட்டு உள்ளது.

தடுப்­பூசி போடப்­பட்­டுள்­ள­தைக் குறிக்க 'டிக்' குறி­யு­டன் கூடிய தடுப்­பூசி சின்­னம் ஒன்று, கைபே­சித் திரை­யின் இடது மேல் புறத்­தில் இடம்­பெ­றும். கொவிட்-19 பரி­சோ­தனை செய்து­கொண்­ட­வ­ரது கைபேசித் திரை­யில் 'டிக்' குறி­யி­டப்­பட்ட ஒரு பரி­சோ­த­னைச் சின்­னம் இருக்­கும்.

மேலும், செய­லி­யின் பச்சை நிறப் பின்­ன­ணியை வரு­கை­யா­ளர் விவ­ரங்­க­ளைச் சரி­பார்க்­கும் பணி­யா­ளர்­கள், தொலை­வி­லி­ருந்து பார்த்­த­வாறு உட­னுக்­கு­டன் அந்த நபர்­களை ஓர் இடத்­திற்­குள் அனு­ம­திக்க இய­லும்.

சிலர் கைபே­சித் திரை­யைப் படம்­பி­டித்து அதைப் பயன்­படுத்த வாய்ப்­புள்­ளது. இந்­நிலை­யில், 'டிரேஸ்­டு­கெ­தர்' செய­லி­யின் திரை­யில் அசைந்­து­கொண்டே இருக்­கும் நீர்­நா­யைக் கொண்டு வரு­கை­யா­ள­ரது விவ­ரங்­கள் உண்­மை­யா­னவை என்று உறு­திப்­ப­டுத்­தப்­படும்.

இத்­த­கைய புதிய அம்­சங்­களை, மேம்­ப­டுத்­தப்­பட்ட டிரேஸ்­டு­கெ­தர் செய­லி­யின் பதிப்பு 2.11ஐப் பதி­விறக்­கம் செய்­வோ­ரால் பயன்­ப­டுத்த முடி­யும் என்று டிரேஸ்­டு­கெ­தர் இணை­யத்­த­ளத்­தில் நேற்று அர­சாங்­கத் தொழில்­நுட்ப அமைப்பு (கவ்­டெக்) தெரி­வித்­தது.

பழைய பதிப்­பைப் பயன்­ப­டுத்து­வோர் உடனே இந்த மேம்­ப­டுத்­தப்­பட்ட பதிப்­பைப் பதி­வி­றக்­கம் செய்­ய­லாம்.

பச்சை நிறத்­துப் பின்­ன­ணி­யைத் தவிர, வெள்ளை நிறப் பின்­னணியை ஒரு­வ­ரது செயலி காட்­ட­வும் வாய்ப்­புண்டு. தடுப்­பூசி போட்­டுக்­கொள்­ளா­த­வ­ரின் செய­லி­யி­லும் கொவிட்-19 பரி­சோ­தனை முடிவு இன்­னும் தெரி­விக்­கப்­ப­டா­த­வர் செய­லி­யி­லும் இத்­த­கைய வெள்ளை நிறப் பின்­னணி இருக்­கும்.

இக்­கு­றிப்­பிட்ட பிரி­வி­னர், ஓர் இடத்­திற்­குள் அனு­ம­திக்­கப்­ப­டு­வ­தற்­கான கார­ணங்­க­ளையோ மருத்­துவ ஆவ­ணங்­க­ளையோ வழங்க வேண்­டும்.

அத்­து­டன், குழு சார்­பாக வரு­கை­யைப் பதிவு செய்­வோ­ரது திரை­யி­லும் வெள்ளை நிறப் பின்­னணி காட்­டப்­படும்.

அத்­த­கைய சூழ­லில் குழு­வில் உள்ள அனை­வ­ரும் தங்­க­ளின் தடுப்­பூ­சித் தகு­தி­யை­யும் பரி­சோதனை செய்­து­கொண்­ட­தன் முடி­வை­யும் சரி­பார்க்­கும் பணி­யாளர்­க­ளி­டம் காட்ட வேண்­டும்.

இத­னால் சற்று சிர­மம் ஏற்­பட்­டா­லும் தரவு ரக­சி­யத்­தன்மை, தர­வுப் பாது­காப்பு கருதி இந்­ந­ட­வடிக்கை எடுக்­கப்­ப­டு­வ­தாக 'கவ்­டெக்' குறிப்­பிட்­டது.

'சேஃப்என்ட்ரி' கியூ­ஆர் குறி­யீட்டை வருடி வரு­கை­யைப் பதிவு செய்­வோ­ரது திரை­யில் மட்­டுமே இது­போன்ற பச்சை, வெள்ளை நிறப் பின்­னணி கொண்ட அட்­டை­கள் காண்­பிக்­கப்­படும்.

'சேஃப்என்ட்ரி' நுழை­வா­யில் அருகே கைபே­சியை வரு­டிச் செல்­வோ­ரது திரை­யில் இது­போன்ற அட்­டை­கள் தெரி­யாது.

புதிய அம்­சங்­கள் கொண்ட 'டிரேஸ்­டு­கெ­தர்' செய­லி­யைப் பய­னா­ளர்­கள் பலர் வர­வேற்­ப­தா­கக் கருத்து கூறி­யுள்­ள­னர். குறிப்­பாக, அசை­யும் நீர்­நாய் அம்­சம் பல­ரை­யும் கவர்ந்­துள்­ள­தா­கக் கூறப்­பட்­டது.

இருப்­பி­னும், ஓர் இடத்­திற்­குள் அனு­ம­திக்­கப்­பட இது­போன்ற வரு­கைப் பதி­வு­கள் அவ­சி­யமா என்று சிலர் கேள்வி எழுப்­பவே செய்­கின்­றனர். கடந்த ஆண்டு மே 12ஆம் தேதி­மு­தல் 'சேஃப்என்ட்ரி' வரு­கைப் பதிவு சிங்­கப்­பூ­ரில் கட்­டா­ய­மாக்கப்­பட்­டது.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!