தேடிச் சென்று சிண்டா உதவி

கொவிட்-19 சூழலில் 4,200 மாணவர்களுக்கு உதவிக்கரம்

இர்­ஷாத் முஹம்­மது

கொவிட்-19 சூழ­லில் இந்­திய சமூ­கத்­தில் உதவி தேவைப்­படும் மாண­வர்­க­ளைத் தேடிக் கண்டு பிடித்து, அவர்­களை நாடிச் சென்று உத­வும் முயற்­சி­களை சிங்­கப்­பூர் இந்­தி­யர் மேம்­பாட்­டுச் சங்­கம் (சிண்டா) முடுக்கி விட்­டுள்­ளது.

இதன் ஒரு பகு­தி­யாக இந்த ஆண்டு சிண்­டா­வின் 'மீண்­டும் பள்­ளிக்­குச் செல்­வோம்' திட்­டத்­தின்­கீழ் 4,200 மாண­வர்­க­ளுக்­குப் பற்­றுச்­சீட்டு வழங்­கப்­பட்­டது.

வரு­டாந்­தி­ர உதவி பெறும் இந்தத் திட்­டத்­தில், சென்ற ஆண்டு பலன் பெற்ற 3,500 மாண­வர்­க­ளை­விட இது 700 அதி­கம்.

"சிண்­டா­வின் மிகப்­பெ­ரிய வெற்­றி­யாக இதைக் கரு­து­கிறோம். இத்­தனை பேரை அடை­யா­ளம் கண்­ட­தில் மகிழ்ச்சி என்­றா­லும் இத்­தனை ஆண்­டு­க­ளாக இவர்­களை அடை­யா­ளம் காண­மு­டி­ய­வில்­லையே என்ற வருத்­த­மும் உண்டு. இருப்­பி­னும் இது நல்ல தொடக்­கமே," என்று இந்த முயற்சி குறித்து விளக்­கி­னார் சிண்­டா­வின் தலைமை நிர்­வாக அதி­காரி திரு அன்­ப­ரசு ராஜேந்­தி­ரன்.

இவ்­வாண்டு முதல்­மு­றை­யாக உதவி பெற்­ற­வர்­களில், திரு­வாட்டி நிசா­வின் (உண்­மைப் பெயர் அல்ல) பேத்­தி­யும் ஒரு­வர். 2020ஆம் ஆண்­டில் சிண்­டா­வின் வேறொரு திட்­டம் மூலம் எட்­டுப் பேரப்­பிள்­ளை­களை வளர்க்­கும் இந்­தப் பாட்டி சிண்­டா­விற்கு அறி­மு­க­மா­னார். அவ­ரது இரு மகள்­களும் சிறை­வா­சம் அனுபவித்து வ­ரு­வ­தால் பேரப்­பிள்­ளை­களை வளர்க்­கும் முழுப் பொறுப்­பை­யும் இவர் சுமக்­க­வேண்­டிய நிலை.

எட்­டுப் பிள்­ளை­க­ளைத் தனியே வளர்ப்­ப­தில் பெரி­தும் க‌ஷ்­டப்­படும் தமக்கு இந்த பற்றுச் சீட்டு மிக­வும் ஆறு­த­லாக உள்­ள­தாக அவர் கூறி­னார்.

சமூ­கம், அர­சாங்­கம் உட்பட பல­த­ரப்பு முயற்­சிகள் கார­ண­மாக கல்­வித் தேர்ச்­சி­யில் இந்­திய சமூ­கம் மேம்­பாடு கண்டு வரு­வ­தாவும், இது சமூ­கத்­தின் மேம்­பாட்­டைப் பிர­தி­ப­லிப்­ப­தா­க­வும் சிண்­டா­வின் தலை­வ­ரான அமைச் ­சர் இந்­தி­ராணி ராஜா கூறினார்.

சமு­தா­யத்­தின் அனை­வ­ரது நிலை­யை­யும் சம­நி­லைக்கு உயர்த்­தும் தன்மை கல்­விக்கு உண்டு என்று நேற்­றைய நிகழ்ச்­சி­யில் அவர் சொன்னார்.

இந்­தி­யப் பிள்­ளை­க­ளுக்கு சரி­யான ஆத­ரவு கிடைப்­பதை உறுதி ­செய்­வது சமூ­கத்­தின் ஒரு­மித்த பொறுப்பு என்­றார் பிர­த­மர் அலு­வ­லக அமைச்­ச­ரும் நிதி, தேசிய வளர்ச்சி இரண்­டாம் அமைச்­ச­ரு­மான குமாரி இந்­தி­ராணி ராஜா.

பள்­ளி­கள் உட்­பட பங்­கா­ளித்­துவ சமூக சேவை அமைப்­பு­கள், இதர அமைப்­பு­க­ளின்­மூ­லம் உதவி தேவைப்­ப­டு­வோரை அடை­யா­ளம் காண சிண்டா முனைந்­தது.

வழங்­கப்­படும் பற்­றுச்­சீட்­டு­களின் மதிப்­பும் இவ்­வாண்டு கூட்டப்பட்­டுள்­ளது. சென்ற ஆண்டுவரை ஒவ்­வொரு மாண­வ­ருக்­கும் புத்­த­கம், துணைக் கல்வி பொருட்­கள் வாங்­கு­வ­தற்­காக $120 'பாப்­பு­லர்' நிறு­வ­னத்­தின் பற்­றுச்­சீட்­டு­களும் கால­ணி­கள் வாங்க $60க்கான 'பாட்டா' பற்­றுச்­சீட்­டு­களும் வழங்­கப்­பட்­டன.

இவ்­வாண்டு $140 பாப்­பு­லர் பற்­றுச்­சீட்­டு­களும் $60 பாட்டா பற்­றுச்­சீட்­டு­களும் வழங்­கப்­பட்­டன.

"பற்றுச்சீட்டு மதிப்பை சற்று அதிகரித்தால் மேலும் உதவியாக இருக்கும் என்றும் அதற்கான கார­ணங்­களையும் சில மாண­வர்­கள் முன்வைத்தபோது அவை நியா­ய­மான கோரிக்­கை­க­ளா­கவே இருந்­தன," என்று திரு அன்­பரசு ேமலும் கூறினார்.

"இதைப் பெரிய செல­வா­கப் பார்க்­கா­மல் நல்ல முத­லீ­டா­கக் கரு­த­வேண்­டும்," என்­றார் அவர்.

தமது உரை­யில் சிண்­டா­வின் செயல்­பா­டு­களை விவ­ரித்த அவர், பெற்­றோர்­க­ளுக்கு வேண்­டு­கோள் ஒன்­றை­யும் முன்வைத்­தார்.

"பொரு­ளா­தார சிக்­கல் உட்­பட மற்ற சவால்­களை ஓர­ளவு நிவர்த்தி செய்ய சிண்டா உள்­ளது. பெற்­றோ­ராக உங்­கள் கட­மையைச் செய்­யுங்­கள். உங்­கள் பிள்ளை விழும்­போது தூக்கிவிடுங்­கள். உற்­சாகமான வார்த்­தை­யைச் சொல்­லுங்­கள். தன்­னம்­பிக்கை ஊட்­டும் வி‌‌ஷ­யங்­ க­ளைச் செய்­யுங்­கள்," என்­றார்.

இந்­தத் திட்­டத்­தைத் தவிர்த்து மேலும் பல வழி­களில் குடும்­பங்­களுக்கு சிண்டா உதவி வரு­கிறது.

சிண்டா­வின் பற்­றுச்­சீட்­டு­கள் மூலம் ஆண்­டு­தோ­றும் பள்ளி திறக்­கும்போது புதிய சீரு­டை­கள், புத்­த­கப் பை, துணைப்­பாட நூல்­கள், எழு­து­கோல் என எல்லாவற் ­றோ­டும் பள்­ளிக்­குச் செல்ல பத்து வயது லுகே‌ஷ், லோகேந்­திரா இரட்­டை­ய­ரால் முடி­கிறது.

ஒற்­றைப் பெற்­றோ­ராக நான்கு பிள்ளைகளை வளர்த்து வரும் தாயார் ‌‌‌ஷாமலா மாசி­லா­ம­ணி­யால், பிள்­ளை­க­ளின் இந்த அடிப்­ப­டைத் தேவை­க­ளைப் பூர்த்தி செய்ய கடி­னம் என்­றா­லும் அதற்­காக முன்­வந்த சமூ­கத்­திற்கு நன்றி கூறி­னார்.

தேடிச் சென்று உத­வும் சிண்­டா­வின் முயற்­சி­கள் அதி­க­ரித்­தி­ருப்­பைப் பாராட்­டிய, உதவி பெற்ற நேவல் பேஸ் உயர்­நி­லைப் பள்ளி மாணவி ரேச்­ச­லின் தாயான திரு­வாட்டி ரஞ்­சினி இந்தப் போக்கு மிக­வும் நம்­பிக்­கை­ய­ளிப்­ப­தா­கக் கூறி­னார்.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!