சென்ற ஆண்டில் பேருந்து, ரயில் பயணங்கள் கூடின

4.3% அதிகம் என்றாலும் கொவிட்-19க்கு முந்திய நிலையை இன்னமும் எட்டவில்லை

சிங்­கப்­பூ­ரில் கொவிட்-19 கட்­டுப்­பாடு­கள் தளர்த்­தப்­பட்­டுள்­ள­தைத் தொடர்ந்து, கடந்த ஆண்டு பொதுப் போக்­கு­வ­ரத்­துப் பய­ணங்­க­ளின் எண்­ணிக்கை அதி­க­ரித்­தது. என்­றா­லும், கொவிட்-19 பரவலுக்கு முந்­திய நில­வ­ரத்­து­டன் ஒப்­பு­நோக்க, அது மிக­வும் குறைவு தான்.

கடந்த ஆண்­டில் நாளொன்­றுக்­குச் சரா­ச­ரி­யாக பேருந்து, ரயில்­களில் 5.259 மில்­லி­யன் பய­ணங்­கள் மேற்­கொள்­ளப்­பட்­டன. இது, 2020ஆம் ஆண்­டை­விட 4.3 விழுக்­காடு அதி­கம்.

நிலப் போக்­கு­வ­ரத்து ஆணை­யம் நேற்று இந்­தப் புள்­ளி­வி­வ­ரங்­களை வெளி­யிட்­டது.

பேருந்­துப் பய­ணங்­களில் மிகுந்த உயர்வு காணப்­பட்­டது. பேருந்­துப் பய­ணங்­கள் 4.5 விழுக்­காடு கூடி, நாள் ஒன்­றுக்கு மூன்று மில்­லி­யனைக் கடந்­தன.

பெரு­வி­ரைவு ரயில் (எம்­ஆர்டி), இலகு ரயில் (எல்­ஆர்டி) பய­ணங்­கள் 4.1 விழுக்­காடு அதி­க­ரித்து, நாளொன்­றுக்கு 2.251 மில்­லி­ய­னாகப் பதி­வா­யின.

இவ்­வாண்டு சிங்­கப்­பூர் பொரு­ளி­யல் தொடர்ந்து மீட்­சி­ய­டை­யக்­கூ­டும் என்­ப­தால் இன்­னும் அதி­க­மா­னோர் பொதுப் போக்­கு­வ­ரத்­தில் பய­ணம் செய்­வர் என எதிர்­பார்க்­கப்­ப­டு­கிறது.

கடந்த ஜன­வரி மாதம் பேருந்து, ரயில் பய­ணங்­கள் நாள் ஒன்றுக்குச் சரா­ச­ரி­யாக 5.785 மில்­லி­ய­னாகப் பதி­வா­யின. இது, சென்ற ஆண்டின் அன்­றாட சரா­ச­ரி­யை­விட 10 விழுக்­காடு அதி­கம்.

என்­றா­லும், பொதுப் போக்­கு­வரத்­துப் பய­ணங்­கள் கொவிட்-19 பர­வ­லுக்கு முந்­திய நில­வ­ரத்­துக்குத் திரும்ப இன்­னும் சிறிது காலம் எடுக்­கும் என்று கவ­னிப்­பா­ளர்­கள் கூறு­கின்­ற­னர்.

கொவிட்-19 பர­வத் தொடங்கு­வ­தற்­கு­முன் 2019ல் நாள் ஒன்­றுக்கு 7.691 மில்­லி­ய­னா­கப் பதி­வா­னதே பொதுப் போக்கு­வரத்துப் பய­ணங்­க­ளைப் பொறுத்­த­மட்­டில் ஒரு­நாள் சாதனை.

இதற்­கி­டையே, டாக்சி, தனி­யார் வாடகை கார் பய­ணங்­களும் சென்ற ஆண்டு அதி­க­ரித்­தன. அவ்­வ­கை­யில், நாளொன்­றுக்­குச் சரா­ச­ரி­யாக 553,000 பய­ணங்­கள் மேற்­கொள்­ளப்­பட்­டன. இது, முந்திய 2020ஆம் ஆண்­டை­விட 7.2 விழுக்­காடு அதி­கம்.

தனி­யார் வாடகை கார் பயணம் 8 விழுக்­காடு வளர்ச்சி கண்டு நாளொன்­றுக்கு 321,000ஐ எட்டியது. டாக்சி பய­ணங்­கள் 5.9 விழுக்­காடு கூடி 232,000ஐத் தொட்­டன.

கடந்த ஜன­வரி மாதம் டாக்சி, தனி­யார் வாடகை கார் பய­ணங்­கள் 3.8 விழுக்­காடு உயர்ந்து, நாளொன்­றுக்கு 574,000ஆக பதி­வா­யின.

டாக்சி, தனி­யார் வாடகை கார் பய­ணங்­கள் குறித்த தக­வல் வெளியிடப்பட்­டி­ருப்­பது இது இரண்­டா­வது முறை.

முன்­ன­தாக, கடந்த ஈராண்­டு­களா­கப் பொதுப் போக்­கு­வ­ரத்­துப் பய­ணம் தொடர்­பில் பய­ணி­க­ளிடம் மன­நி­றைவு குறைந்­தது, பொதுப் போக்­கு­வ­ரத்து மன்­றத்­தின் வரு­டாந்­தி­ரக் கருத்­தாய்­வு­ முடிவுகள் மூலம் தெரியவந்தது.

ரயில், பேருந்­துப் பய­ணங்­கள் மனநிறைவு அளித்ததாக 2019ல் 99.4 விழுக்­காட்­டி­னர் கூறி­னர். ஆயி­னும், அவ்­வி­கி­தம் 2020ல் 97.6 விழுக்­கா­டா­க­வும் 2021ல் 92 விழுக்­கா­டா­க­வும் குறைந்­தது.

கடந்த 2015ல் இவ்­வி­கி­தம் ஆகக் குறை­வாக 91.8 விழுக்­கா­டா­கப் பதி­வாகி இருந்­தது என்று தெரிவிக்கப்பட்டது.