மின் கட்டணம் 10% அதிகரிக்கிறது

ரஷ்யா-உக்­ரேன் போரின் எதி­ரொ­லி­யாக சிங்­கப்­பூ­ரில் மின்­சா­ரக் கட்­ட­ணம் பத்து விழுக்­காடு வரை அதி­க­ரிக்­கிறது.

அடுத்த மூன்று மாதங்­க­ளுக்கு இந்­தக் கட்­டண உயர்வு நீடிக்­கும் என எதிர்­பார்க்­கப்­ப­டு­கிறது.

இத­னால் சிங்­கப்­பூ­ரில் உள்ள குடும்­பங்­கள் மின்­சா­ரத்­திற்கு அதி­கம் செலவு செய்ய வேண்­டி­யிருக்­கும்.

இந்த விவ­ரத்தை வெளி­யிட்ட எஸ்பி குழு­மம், இன்று தொடங்கி ஜூன் 30ஆம் தேதி வரை­யில் மணிக்கு ஒரு கிலோ­வாட் மின்­சா­ரக் கட்­ட­ணம் 27.94 காசாக இருக்­கும் என்று தெரி­வித்­தது.

இதில் பொருள் சேவை வரி சேர்க்கப்பட­வில்லை. தற்­போது மணிக்கு ஒரு கிலோ­வாட் மின்­சா­ரக் கட்­ட­ணம் 25.44 காசாக உள்­ளது.

அடுத்த மூன்று மாதங்­க­ளுக்கு பொருள் சேவை வரி நீங்­க­லாக மணிக்கு ஒரு கிலோ­வாட் மின்­சா­ரத்­திற்கு 2.5 காசு கூடு­த­லாக செலுத்த வேண்டும்.

உதா­ர­ண­மாக, நான்­கறை வீவக வீட்­டில் வசிக்­கும் ஒரு குடும்­பம், மாதந்­தோ­றும் சராசரி யாக 349 கிலோ­வாட் மின்­சா­ரத்­தைப் பயன்­ப­டுத்­தி­னால் ஜிஎஸ்டி நீங்­க­லாக மாதந்­தோ­றும் 8.73 வெள்ளி வரை கட்டணம் கூடுத லாக இருக்கும்.

முந்­தைய காலாண்­டு­டன் ஒப்­பி­டு­கை­யில் தற்­போதைய மின் கட்­டணம் ஏறக்­கு­றைய இரண்டு மடங்கு உயர்வாகும்.

அடுத்த காலாண்­டில் மின் கட்­டண உயர்வு, இதற்கு முந்­தைய காலாண்­டை­விட சர­ச­ரி­யாக 9.9 விழுக்­காடு அல்­லது மணிக்கு ஒரு கிலோ­வாட் மின்­சா­ரம் 2.49 காசு அதிகமாக இருக்­கும்.

"உக்­ரே­னிய போரால் உலக அள­வில் எரி­வாயு, எண்ெணய் விலை கணி­ச­மாக அதி­க­ரித்­துள்­ளது. இத­னால் ஏற்­பட்ட செல­வு­களே மின் கட்டண அதி­க­ரிப்­புக்கு கார­ணம்," என்று எஸ்பி குழுமம் தெரி­வித்­தது.

இது தவிர சமையல் எரிவாயு கட்டணமும் கூடுகிறது.

அடுத்த மூன்று மாதங்­க­ளுக்கு வீடு­க­ளுக்­கான சமை­யல் எரி­வாயு, ஜிஎஸ்டி நீங்­க­லாக 21.66 காசுக்கு உயர்த்தப்படும் என்று 'சிட்டி எனர்ஜி' தனது தனி அறிக்­கை­யில் தெரி­வித்துள்ளது. தற்­போது மணிக்கு ஒரு கிலோவாட் எரிவாயுக் கட்டணம் 20.21 காசாக உள்ளது. எரி­பொ­ருள் மற்­றும் எரி­பொருள் அல்­லாத பொருட்­க­ளின் செல­வு­களே எரி­வாயு கட்­ட­ணம் கூடி­ய தற்கு காரணம் என்று நேற்று வெளி­யிட்ட அறிக்­கை­யில் சிட்டி எனர்ஜி சுட்­டிக்­காட்­டி­யது.

சிட்டி எனர்ஜி நிறு­வ­னம், சிங்­கப்­பூ­ரில் சுமார் 870,000 பய­னீட்­டா­ளர்­க­ளுக்கு குழாய் வழி­யாக எரி­வா­யுவை விநி­யோ­கித்து வரு­கிறது.

உல­கம் முழு­வ­தும் எரி­வா­யுக் கட்­ட­ணம் இது­வரை இல்­லாத அள­வுக்கு அதி­க­ரித்ததால் அண்­மைய மாதங்­க­ளாக மின்­சாரக் கட்­ட­ண­ம் கூடி வருகிறது.

தொற்­று­நோ­யி­லி­ருந்து மீண்டு வரும் சூழல், மோச­மான வானிலை, குறை­வான எரி­வாயு விநி­யோ­கம் போன்ற கார­ணங்­க­ளால் தேவை அதி­க­ரித்துள்ளது இதற்கு கார­ண­மா­கும்.

குளிர்­கா­லம் மாறும்போது உல­க­ளா­விய எரி­சக்தி நெருக்­கடி குறை­யும் என் எதிர்­பார்க்­கப்­படுகிறது. ஆனால் ஐந்து வாரங்­க­ளுக்கு முன்பு தொடங்­கிய உக்­ரேன் மீதான ரஷ்யாவின் படையெடுப்பால் எண்­ணெய் மற்­றும் எரி­வாயு உற்­பத்தி குறைந்து பற்­றாக்­குறை ஏற்­ ப­ட­லாம் என்ற அச்­சம் அதி­க­ரித்­துள்­ளது.

உல­கின் மொத்த எண்­ணெய் விநியோகிப்பில் ரஷ்யாவின் பங்கு மட்டும் 12 விழுக்காடு.

இயற்கை எரி­வாயு விநி யோகிப்பில் ரஷ்­யா­வின் பங்கு 17 விழுக்­காடாகும்.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!