உக்ரேனிய நகரை உலுக்கிய ரஷ்ய ஏவுகணைகள்; எழுவர் மரணம்

ரஷ்­யப் படை­யெ­டுப்­பால் இது­வரை பாதிக்­கப்­ப­டா­ம­ல் இருந்த லிவிவ் நக­ரம் உட்­பட உக்­ரே­னின் மேற்கு, தெற்கு வட்­டா­ரங்­களில் நேற்று பல்­வேறு வெடிப்­பு­கள் நிகழ்ந்­த­தாக அந்­நாட்டு அதி­கா­ரி­கள் தெரி­வித்­தனர்.

லிவிவ் நக­ரி­லி­ருக்­கும் உக்­ரே­னிய ராணுவ உள்­கட்­ட­மைப்­பு­கள், ஆற்­றல்­மிக்க ரஷ்ய ஏவு­க­ணை­களால் குறி­வைக்­கப்­பட்­டதாகக் கூறப்­பட்­டது.

"தாக்­கு­த­லில் எழுவர் மாண்டு­விட்­ட­னர். காயமுற்ற 11 பேரில் மூவரின் நிலை கவலைக்கிடமாக உள்ளது," என்று லிவிவ் நகர மேயர் மக்­சிம் கொஸிட்ஸ்­கி தெரி­வித்­தார்.

தாக்­கு­தல் கார­ண­மாக அந்­தக் கட்­ட­டங்­கள் கொழுந்­து­விட்டு எரி­கின்­றன என்­றும் அவை கடு­மை­யா­கச் சேத­ம­டைந்­துள்­ளன என்­றும் அவர் குறிப்­பிட்­டார்.

குடி­யி­ருப்­புக் கட்­ட­டங்­களுக்­குக் கரும்­பு­கை­யைக் காண முடிந்­தது என்­றும் தாக்­கு­த­லின்­போ­தும் அதன்­பின்­னும் அபாய ஒலி ஒலிக்­கப்­பட்­டது என்­றும் லிவிவ் நக­ர­வாசி ஒரு­வர் சொன்னதாக 'ஏஎஃப்பி' செய்தி கூறியது.

அண்­மைய நாள்­க­ளாக உக்­ரே­னின் ராணுவ உள்­கட்­ட­மைப்­பு­களைக் குறி­வைத்து ரஷ்யா தாக்கு­தல் தொடுத்து வரு­கிறது.

மக்­கள் வெளி­யே­றும் வழி­களைத் தடுத்து, ரஷ்­யப் படை­கள் குண்­டு­வீசி வரு­வ­தால், நேற்று இரண்­டா­வது நாளாக நாட்­டின் கிழக்­குப் பகுதி நக­ரங்­களில் இருந்து மக்­களை வெளி­யேற்­று­வதை நிறுத்­தி­வைத்­த­தாக உக்­ரேன் தெரி­வித்­தது.

"அனைத்­து­லக மனி­தா­பி­மா­னச் சட்­டத்தை மீறும் வகை­யில், மக்கள் வெளி­யேறும் வழி­க­ளைத் தடுப்­பதை­யும் குண்­டு­வீ­சு­வ­தை­யும் ரஷ்ய ஆக்­கி­ர­மிப்­பா­ளர்­கள் நிறுத்­த­வில்லை," என்று உக்­ரேன் துணைப் பிர­த­மர் ஐரினா வெரெஸ்­சுக் குற்­றஞ்­சாட்­டி­னார்.

'மாஸ்கோவில் 200,000 பேர் வேலையிழக்கும் அபாயம்'

இத­னி­டையே, ரஷ்­யா­மீது மற்ற நாடு­கள் விதித்­துள்ள பொரு­ளி­யல் தடை­க­ளால் தலை­ந­கர் மாஸ்­கோ­வி­லுள்ள வெளி­நாட்டு நிறு­வ­னங்­களின் பணியாளர்கள் கிட்­டத்­தட்ட 200,000 பேர் வேலை இழக்­கும் அபா­யம் ஏற்­பட்­டுள்­ளது என்று அந்­ந­கர மேயர் செர்கே சொப்­யா­னின் தெரி­வித்து இருக்­கி­றார்.

இந்நிலையில், மாஸ்­கோ­வில் வேலை­வாய்ப்பு ஆதரவு வழங்க 41 மில்­லி­யன் அமெ­ரிக்க டாலர் ஒதுக்கீடு செய்ய அரசாங்கம் கடந்த வாரம் ஒப்புதல் அளித்துள்ளதாக திரு சொப்யானின் குறிப்பிட்டார்.

"முதற்­கட்­ட­மாக, ரஷ்­யா­வில் தற்­கா­லி­க­மா­கச் செயல்­பா­டு­களை நிறுத்­தி­வைத்­துள்ள அல்­லது ரஷ்­யா­வை­விட்டு வெளி­யேற முடி­வு­செய்­துள்ள நிறு­வ­னங்­க­ளின் ஊழி­யர்­க­ளுக்கு ஆத­ரவு வழங்க அத்­திட்­டம் இலக்கு கொண்­டுள்­ளது," என்று அவர் கூறி­னார்.

கடந்த பிப்­ர­வரி 24ஆம் தேதி உக்­ரேன்­மீ­தான ரஷ்­யப் படை­யெடுப்பு தொடங்­கி­யதை அடுத்து, மேற்­கத்­திய நாடுகளைச் சேர்ந்த நூற்றுக்கணக்கான நிறு­வ­னங்­கள் ரஷ்­யா­வில் தங்­க­ளது செயல்­பா­டு­களை நிறுத்­தி­வைப்­ப­தாக அல்­லது அந்­நாட்­டை­விட்டு வெளி­யே­று­வதாக அறி­வித்­துள்­ளன.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!