சிங்கப்பூர் முஸ்லிம்களுக்குப் பிரதமர் லீ பாராட்டு

கொவிட்-19 பர­வல் கால­கட்­டத்­தில் சிங்­கப்­பூர் முஸ்­லிம் சமூ­கம் தனது மீள்­தி­றனை வெளிப்­ப­டுத்­தி­யது என்று பிர­த­மர் லீ சியன் லூங் புக­ழா­ரம் சூட்­டி­யுள்­ளார்.

சவால்­மிக்க இரண்டு ஆண்­டு­களுக்­குப் பிறகு இங்­குள்ள பள்ளி­வா­சல்­களில் வழக்­க­மான சில நட­வ­டிக்­கை­கள் திரும்­பி­யுள்­ள­தால் இவ்­வாண்டு ரம­லான் மாதம் முஸ்­லிம்­க­ளுக்­குச் சிறப்­பா­னது என்று திரு லீ தெரி­வித்­தார். அல் முத்­தக்­கின் பள்­ளி­வா­ச­லில் நேற்­றி­ரவு நடந்த நோன்­புத் துறப்பு நிகழ்­வில் பிர­த­மர் லீ கலந்­து­கொண்­டார்.

தனது முயற்­சி­க­ளுக்­காக முஸ்­லிம் சமூ­கத்­தி­ன­ருக்கு நன்றி கூறிக்­கொண்ட பிர­த­மர் லீ, சிங்­கப்­பூ­ரின் இன, சமய நல்­லி­ணத்­தைக் காக்க நம்­பிக்­கைத் தலை­வர்­கள் எடுத்து­வரும் நட­வ­டிக்­கை­களை­யும் பாராட்­டி­னார்.

அதி­க­மான முஸ்­லிம்­கள் இப்­போது பள்­ளி­வா­சல் செல்ல முடி­யும் எனக் குறிப்­பிட்ட அவர், வெள்­ளிக்­கி­ழமை மற்­றும் இர­வு­நேரத் தொழு­கை­கள் கிட்­டத்­தட்ட வழக்­க­நி­லைக்­குத் திரும்­பி­யுள்­ள­தா­க­வும் சொன்­னார்.

இங்­குள்ள முஸ்­லிம்­கள் தேசிய வழி­காட்டுதல்களுக்கு இணங்க தங்­க­ளது நடை­மு­றை­களை மாற்­றிக்­கொண்­ட­தன்­மூ­லம் பொதுச் சுகா­தா­ரச் சவால்­க­ளைப் புரிந்­து­கொண்­ட­தாக திரு லீ சொன்­னார்.

"பிணைப்­பு­ட­னும் ஒற்­று­மை­யு­ட­னும் ஒரே மக்­க­ளாக இருந்து, நமது பல்­லின, பல சமய நல்­லி­ணக்­கத்தை வலுப்­ப­டுத்­தும் முயற்­சி­க­ளைத் தொடர்­வோம் என நம்­பு­கி­றேன். அதன்­மூ­லமே எதிர்­கா­லத்­தி­லும் சிங்­கப்­பூர் செழிப்புற்று, வெற்றி­க­ர­மான நாடா­கத் திகழ முடி­யும்," என்று பிர­த­மர் லீ கூறி­னார்.